原居民 (已結業)

本身行去韓國街搵野食, 行行下覺得唔想食咁熱氣, 咁辣, 所以都係投降去食西餐。呢間野完全唔起眼, 通常大家起路邊都係路過, 所以睇到餐牌先發現原來係餐廳,入到去人都冇乜, 但餐單都富豐, 價錢百零蚊至4百幾蚊都有, 咁諗住做完野辛苦同老婆食餐好少少, 食貴少少都OK, 大家都點左個要4百幾蚊埋單既餐。不過點餐時係位阿姐來點, 一句「食咩?」, 難聽D講, 臭口臭面, 仲衰過茶餐廳阿姐,係個阿叔就叫做有D笑容, 上餐個陣都會問我地試唔試下甜品。味道其實OK的, 以咁既人數黎講唔洗迫算係咁, 唔太差。不過中途叫飲品, 叫倒水, 都係KEEP住臭口臭面, 老實講真係唔開心,唔怪得而家服務業成日俾人話唔識笑, 其實唔笑之餘, 如果加埋臭口臭面,咁個經歷就唔多令人LIKEY。埋單個陣個其他阿姐埋, KEEP住一貫既臭口臭面, 我心諗, 咁我都食左兩個餐呀, 都唔係CHEAP客呀, 我又冇得罪你, 係咪真係咁唔憂做? 咁唔想做我生意?埋單走左之後老婆都同我有同感, 大家都覺得佢地好臭口臭面, 我諗唔會有下次。