影片
更多
2010-12-18
24 瀏覽
做人做左幾十年, 一直都好少投訴,同屋企人行完街食飯, 諗住門口有十個八個人要等位, 間鋪應該穩陣, 點知食完呢餐飯, 真係以後都唔駛旨意再幫襯！食品方面, 講句公道說話, 算係好食的, 起碼嬲住咁食都無咩問題,份量尚可, 適合女仕既食量, 如果男仕多D, 就或者會唔夠！價錢方面, 一般泰國餐館既價錢, 六、七十蚊一個餸菜.最重要果部份！！服務第一個問題, 漏單, 唔係漏一張台, 而係有好幾張台漏單,我入座大約九點五分, 當睇埋菜牌落埋單九點十二分左右,跟住同屋企人傾計, 等呀等！隔籬台早我地一分鐘落單, D野食陸陸逐逐送上,再等多陣, 約莫十五分鐘左右,同個經理趨一趨D野食, 問佢係唔係漏單, 勞煩跟跟, 個經理話已經落左單, 等多陣就到,跟住離遠有一台坐低, 約遲我地台十五分鐘左右入座,睇住佢落單, 睇住D野食一碟一碟送上.但係早早入座, 叫左杯青檸梳打都未黎到！跟住再等, 等到九點四十七分, 再趨多兩次, 佢拿拿聲拎碟春卷, 仲係唔熱既添, 好明顯唔駛即時炸, 呢度開始激氣, 同經理趨完又同侍應趨,先慢慢拎碟菜黎, 跟住又隔一陣先拎碟紅咖喱西冷牛扒, 當然又係唔熱的. 再起埋其他
同屋企人行完街食飯, 諗住門口有十個八個人要等位,
間鋪應該穩陣, 點知食完呢餐飯,
真係以後都唔駛旨意再幫襯！
食品方面,
講句公道說話, 算係好食的, 起碼嬲住咁食都無咩問題,
份量尚可, 適合女仕既食量, 如果男仕多D, 就或者會唔夠！
價錢方面,
一般泰國餐館既價錢, 六、七十蚊一個餸菜.
最重要果部份！！服務
第一個問題, 漏單, 唔係漏一張台, 而係有好幾張台漏單,
我入座大約九點五分, 當睇埋菜牌落埋單九點十二分左右,
跟住同屋企人傾計, 等呀等！
隔籬台早我地一分鐘落單, D野食陸陸逐逐送上,
再等多陣, 約莫十五分鐘左右,
同個經理趨一趨D野食, 問佢係唔係漏單, 勞煩跟跟,
個經理話已經落左單, 等多陣就到,
跟住離遠有一台坐低, 約遲我地台十五分鐘左右入座,
睇住佢落單, 睇住D野食一碟一碟送上.
但係早早入座, 叫左杯青檸梳打都未黎到！
跟住再等, 等到九點四十七分, 再趨多兩次,
佢拿拿聲拎碟春卷, 仲係唔熱既添, 好明顯唔駛即時炸,
呢度開始激氣, 同經理趨完又同侍應趨,
先慢慢拎碟菜黎, 跟住又隔一陣先拎碟紅咖喱西冷牛扒,
當然又係唔熱的. 再起埋其他野食,
前前後後由落單到D野食齊, 要成九個字時間,
幾經辛苦D野黎齊, 成家都好肚餓, 好快脆食晒,
埋單, 睇埋張單, 個落單時間係九點三十八分,
正正係我第二次趨個經理既時候, 佢響部機篤篤篤,
話已經落左單既時候, 都離晒諎的,
第一次趨單果時, 佢竟然check 都無check就話我知,
已經落左單架咧, 等多陣啦！
仲有, 其他台客亦有趨漏單問題, 又係得個跟字,
另外, 隔離台又有一家大細, 叫左個芒果黑糯米,
佢地食完話D芒果好酸, 問個侍應可唔可以換一換,
個侍應話芒果黑糯米係咁架喎, 係酸架喎！
呢一餐真係抵食！
張貼