平昌 Premium (已結業)

韓燒來講，醃肉味道尚算ok,但款式極少，同漢陽苑無得比。一入門口，見到間店勁多吉位，咁諗住無訂位都無所謂啦（之前打左幾次都無人聽）點知個reception話要等20分鐘？我心諗無聽錯掛？多口問句明明好多吉位喎，佢話打算要收一個區，我望下錶，當時9點都未到，正當我企左係度好疑惑既時候，佢又無啦啦召左我入去（無錯，真係召，牛頭馬面咁既樣）咁間野油煙大不嬲都知既，通風差都無辦法，點左野好耐唔來，趁佢換板時問句，可以零反應，答都唔答一句走開左，心諗洗唔洗咁串呀？轉頭，有個侍應行過來通知左一句：今日卡機壞左，只收現金。噢，又真係咁岩帶唔夠錢喎，都食到一半啦，咁.....所以而家放低筷子，落去搵櫃員機啦，希望佢唔好咁準時趕我走啦，剛才望住佢係咁催隔離台走.......