影片
更多
2005-08-24
31 瀏覽
其實本來想去萬豪食的，但因為full booking，雖然看到這裡有很多complaint的食評，但同事在04年時吃過說好吃，也冒著險試試。首先講食物，咁大間食Buffet的餐廳，竟然連一隻生蠔都無！龍蝦就更加係影都無！D蠔用芝士焗到過晒火，粉到嘔！又有沙！青口一樣有沙！好難食！壽司得好少款，魚生唔新鮮！甜品一D都唔突出，仲要唔切，俾其他人切到好樣衰，睇見都唔想食！熱葷竟然有叉燒同紅腸！大佬，唔係化？全餐廳只得廉價食品，貴少少ge都無！要我俾成2百幾蚊食D咁ge野，真係想我食多次都難啦！好，食都算，呢度賣點係360度夜景，但我就乜都睇唔到！因為開冷氣的關係，所有玻璃都起晒霧，睇都睇唔清楚！大佬！連selling point都可以唔理的餐廳，完全係等執！同埋果度D燈勁暗，因為佢地方唔太乾淨！我發現佢D地毯勁污糟，如果D燈夠光，一定嚇死晒D客啦！好，到服務，呢樣係十萬個唔掂！打電話BOOK位，呢頭收線，佢轉頭又打俾我，話就話confirm，其實係佢唔記得D資料。都算，因為我朋友生日，問佢仲有無優惠，佢話無，咁你收我咁貴，好多餐廳都會為生日的人提供cut cake，好自然我問佢有無啦，佢竟然
首先講食物，咁大間食Buffet的餐廳，竟然連一隻生蠔都無！龍蝦就更加係影都無！D蠔用芝士焗到過晒火，粉到嘔！又有沙！青口一樣有沙！好難食！壽司得好少款，魚生唔新鮮！甜品一D都唔突出，仲要唔切，俾其他人切到好樣衰，睇見都唔想食！熱葷竟然有叉燒同紅腸！大佬，唔係化？全餐廳只得廉價食品，貴少少ge都無！要我俾成2百幾蚊食D咁ge野，真係想我食多次都難啦！
好，食都算，呢度賣點係360度夜景，但我就乜都睇唔到！因為開冷氣的關係，所有玻璃都起晒霧，睇都睇唔清楚！大佬！連selling point都可以唔理的餐廳，完全係等執！同埋果度D燈勁暗，因為佢地方唔太乾淨！我發現佢D地毯勁污糟，如果D燈夠光，一定嚇死晒D客啦！
好，到服務，呢樣係十萬個唔掂！打電話BOOK位，呢頭收線，佢轉頭又打俾我，話就話confirm，其實係佢唔記得D資料。都算，因為我朋友生日，問佢仲有無優惠，佢話無，咁你收我咁貴，好多餐廳都會為生日的人提供cut cake，好自然我問佢有無啦，佢竟然同我講︰「我地出面都有好多蛋糕ge～你鍾意咪帶支蠟燭過黎lor！」嘩！駛唔駛咁x串呀？好，我當佢忙，心情唔好啦！跟住，尋日晏左少少上去，佢打黎催我到，態度奇差︰「小姐，你幾時到呀？下次如果知道自己會遲就唔該早D出聲啦，如果你唔黎，我要交檯俾其他客ga！」嘩！咩事呀？好似我欠左佢100萬咁款！上到去見到其實一D都唔full，咁點解要催我呢？咁Q多位，佢自己坐晒佢丫笨！跟住食野其間，佢唔會幫客人換刀叉，全程又咸又甜咁用一套刀叉lor！我真係未見過！食到尾段，鄰檯一位客人俾侍應整污糟左件衫，雖然好少事，但個客堅持complain，我諗係因為個侍應唔肯認錯，仲同個客嘈！咁都得？呢D都叫服務？咁可能「無服務」會係更好ge「服務」wow！
真係咁ge食物質素、咁ge環境、咁ge服務，收我咁ge價錢，如果抵食可以俾0分，我一定會俾個0佢！
大家千祈唔好再好似我咁唔信呢度D食評！真係100個失望！食貴少少好過o徙左2百幾蚊丫～！
張貼