影片
更多
2021-04-22
2399 瀏覽
人生第一次食到d禁難食既野，d食材已經變壞曬唔放得入口，重出菜比客人食🙃，良心過意得去？真係食到講曬粗口。去呢間餐廳食之前睇左好多食評，見到都有幾多好評，所以就揀左呢間，見人地推介呢間餐廳既野食，話好好食必試既我地都叫左，但估唔到全部都好🤮難食，食完全餐飯只係諗到d好評應該都係。。。🙃👆🏻10個有10個都推介既牛油果龍蝦沙律卷🤢$210第一眼見到d三文魚子全部都偏曬已經知伏左，放左唔知幾耐，卷野真係好夠凍又夠實淨，應該包左係雪櫃好耐🥶，食落口完全唔知食緊咩😵😵食唔到有龍蝦，牛油果味都比佢個d超咸既汁冚晒，總之就係一pat嘢係個口入面，重食到d好似沙既粒粒野，好難食！👆🏻咸到阿媽都唔認得嘅燒蠔🦪🙊$85@1個汁超級無敵咸，蠔冇蠔味，唔知食緊咩👎🏻👎🏻👎🏻係一個失敗的料理。👆🏻食過最難食嘅八爪魚🐙😥$200先講個汁係ok既，不過條八爪魚就唉～用支叉一吉落去就知佢唔好食，超級淋，完全唔彈牙，食到有d反胃🤮，見到d人話佢d八爪魚夠淋唔似香口膠好好食，我想講佢只係唔新鮮同梅左，新鮮嘅八爪魚係好彈牙有口感的。👆🏻Seafood paella 🥘🤢🤢🤢🤢🤢$450食完前面d野之後已經失望到冇嘢好講，
去呢間餐廳食之前睇左好多食評，見到都有幾多好評，所以就揀左呢間，見人地推介呢間餐廳既野食，話好好食必試既我地都叫左，但估唔到全部都好🤮難食，食完全餐飯只係諗到d好評應該都係。。。🙃
👆🏻10個有10個都推介既牛油果龍蝦沙律卷🤢
$210
第一眼見到d三文魚子全部都偏曬已經知伏左，放左唔知幾耐，卷野真係好夠凍又夠實淨，應該包左係雪櫃好耐🥶，食落口完全唔知食緊咩😵😵食唔到有龍蝦，牛油果味都比佢個d超咸既汁冚晒，總之就係一pat嘢係個口入面，重食到d好似沙既粒粒野，好難食！
👆🏻咸到阿媽都唔認得嘅燒蠔🦪🙊
$85@1
個汁超級無敵咸，蠔冇蠔味，唔知食緊咩👎🏻👎🏻👎🏻係一個失敗的料理。
👆🏻食過最難食嘅八爪魚🐙😥
$200
先講個汁係ok既，不過條八爪魚就唉～用支叉一吉落去就知佢唔好食，超級淋，完全唔彈牙，食到有d反胃🤮，見到d人話佢d八爪魚夠淋唔似香口膠好好食，我想講佢只係唔新鮮同梅左，新鮮嘅八爪魚係好彈牙有口感的。
👆🏻Seafood paella 🥘🤢🤢🤢🤢🤢
$450
食完前面d野之後已經失望到冇嘢好講，只係期望個飯食得落肚，可以食得飽肚就算數，點知呢個先係重頭戲，食到即刻嘔返出黎。首先佢面頭個4粒沙白係全餐飯最好食嘅同唯一新鮮嘅嘢食，青口都不過不失，魷魚梅既🤢，d飯就得個咸字，重點食到超多生米🤢真係食唔落去，諗住食埋隻蝦就算，點知男朋友食第一隻已經話梅左唔食得，我就諗住試埋第二隻可能冇梅到，點知一放入口即刻嘔返出嚟，人生第一次食到**梅到入口即溶既蝦**，呢餐飯真係人生既經典。
👇🏻👇🏻👇🏻👇🏻👇🏻👇🏻
🥴🤮🤢🤮🤢🤮🤢🤮🤢🥴
2杯 cocktail
$120YUZU rebujito = 茶記凍檸水走甜
$120Passion cooler 味道唔錯，但係室溫，完全唔凍
$80 still water 🙃🙃🙃🙃🙃🙃
總括而言，呢間既食物真係唔係比人食，食到懷疑人生，如果你好有錢想試伏嘅話快啲去食！！！
本來想食完飯出去佢露天嗰度影返張相，留個紀念，但食完之後完全冇心情直接走咗。
後尾同朋友分享原來佢都食過呢間餐廳都係好難食唔新鮮，所以呢間野真係完全唔掂。
環境一個字：嘈
張貼
