海灣燒烤大王 (已結業)

非常同意樓下朋友所講的，員工的服務態度真的有待改善。友人之前已打電話訂位，但友人忘記訂位編號，於是友人叫帶位女士幫忙check一check, 果位女士就黑口黑面一句話︰唔會幫你check。之後唔知友人點樣同佢講啦，最後都攞到飛，但我地未齊人，果位女士好兇惡咁向我友人話︰未人齊唔入得，一定要齊人先可以入場。然後我叫友人同果位女士講︰我地而家一次過俾哂錢先，朋友嚟到我地出嚟接佢得唔得吖？之後果位女士死死地氣話︰得！ 入到場，地方大，但是日紅日，好多人，全場爆滿，所以令到個場好焗。可能有人投訴太焗，啲員工之後先至去開哂啲活動門窗。食物︰都有好多選擇，而且都幾好味。牛扒、豬扒、雞翼、丸類、應有盡有，而且還有熱食。場外環境幾好，對住個沙灘，如果由下午燒到入夜的話，都可以欣賞到靚景。