影片
更多
2012-06-27
187 瀏覽
今日同朋友帶埋BB食下午茶，平日下午茶時段多數都唔駛等位，而且地方幾乾淨，又夠寬敞，感覺幾適合推埋BB車，所以好多時有朋友黎都會帶埋bb喺度TEA。環境:寬敞，冷氣溫度適中 ... 有電視設備 .. 環境不錯... 食物:我地兩個人，叫咗兩個越式湯粉套餐，有餐前小吃﹑一碗湯粉及一杯餐飲。餐前小食叫咗一碟春卷，一碟粉卷，湯粉就叫咗一個生牛肉湯河，一個雞C撈檬。餐前小食粉卷皮薄但就冇咩餡，又唔夠熱，但係個春卷就好味，鬆脆香口。朋友話個生牛肉湯河，個湯式底好清，但食唔出越南菜的香料﹑香葉味，而落單時話明走蔥，但黎到都冇走到，要朋友自己揀返出黎，而我個撈檬溫度都有D怪，撈檬係暖嘅??餐飲方面就轉咗珍珠奶茶，哩個就不過不失，冇咩特別 .... 其實哩間餐廳都食過好多次，但今次嘅食物令我有D失望~~~~ 服務:除咗漏咗走蔥嘅ORDER ... 有個女侍應上食物比我地隔離枱時，右手落食物，左手仲攞住一個熱湯麵 + 小食，下午茶時段人唔係特別多人，我地座位後面都有好多空間，但女侍應左手嘅湯麵同小食竟然係隔空喺阿女架BB車頂，而佢手上嘅湯仲有唔夠0.5mm，就倒落架bb車，當時BB喺車度瞓緊覺，我即時同
環境:
寬敞，冷氣溫度適中 ... 有電視設備 .. 環境不錯...
食物:
我地兩個人，叫咗兩個越式湯粉套餐，有餐前小吃﹑一碗湯粉及一杯餐飲。餐前小食叫咗一碟春卷，一碟粉卷，湯粉就叫咗一個生牛肉湯河，一個雞C撈檬。
餐前小食粉卷皮薄但就冇咩餡，又唔夠熱，但係個春卷就好味，鬆脆香口。朋友話個生牛肉湯河，個湯式底好清，但食唔出越南菜的香料﹑香葉味，而落單時話明走蔥，但黎到都冇走到，要朋友自己揀返出黎，而我個撈檬溫度都有D怪，撈檬係暖嘅??餐飲方面就轉咗珍珠奶茶，哩個就不過不失，冇咩特別 ....
其實哩間餐廳都食過好多次，但今次嘅食物令我有D失望~~~~
服務:
除咗漏咗走蔥嘅ORDER ... 有個女侍應上食物比我地隔離枱時，右手落食物，左手仲攞住一個熱湯麵 + 小食，下午茶時段人唔係特別多人，我地座位後面都有好多空間，但女侍應左手嘅湯麵同小食竟然係隔空喺阿女架BB車頂，而佢手上嘅湯仲有唔夠0.5mm，就倒落架bb車，當時BB喺車度瞓緊覺，我即時同佢講唔好喺SERVE食物嘅時候，將食物凌空咁誇過BB車頂，佢講咗唔好意思，之後就行開咗，我諗諗下就叫咗個應該係話得下事嘅男同事過黎同佢投訴，投訴完都唔夠5分鐘，個女侍應落小食比隔離枱又再黎多次凌空落枱，我又再叫返個嗰個男同事過黎同佢講，點知個女侍應仲攞住兩碟食物過黎示範點樣凌空落食物！前後3次，由唔知係冇心、定唔專業，到刻意做一次，以示自己冇錯，仲要回應「都冇掂到架車」，但個男同事都冇講D咩 ... 哩D服務真係好到不得了！
唉 ... 真係好懷疑佢係咪唔知咩叫意外、"線"手... 當時真係好想問下，係咪要倒咗D熱湯、食物落黎架bb車度，整親個bb先會覺得有問題，所以服務係 .... 差 ... 差 ... 差 ...
到我地埋單時個男同事PRINT單比我埋單，但多謝同拜拜都冇同我地講... 所以服務應該係 ....
極之差" 極之差" 極之差"
題外話/補充資料：
總括黎講，哩間餐廳嘅食物、環境都唔錯，但D服務咁樣真係好唔得，BB係一個人黎架！唔好因為佢細就貪方便咁將食物喺佢上空略過，一個唔小心，D熱湯、食物、熱茶就會倒落佢度架！
所以如果入哩間餐廳食野之前諗清楚 ... 因而唔知幾時會有人將食物倒到你頭頂 ... ~-~"
(以上食評乃用戶個人意見 , 並不代表OpenRice之觀點。)
張貼
