慢煮工業 (已結業)

以往路過太子消防局經常見到呢間小店有人排隊，今晚終於一試。Book了星期五晚7:30的檯，不用等就可以入座。小店環境較擠迫，而且座位有冷氣機滴水，扣了印像分。點了4款食物，第一樣牛油卡真蝦包($68)於15分鐘後上，麵包烘得香脆，蝦肉份量一般，醬汁惹味。食完個包就足足等了半小時才上餘下菜式，的確有點慢。法式豬鞍($98)幾有水準，一切就知生熟剛好，肉質呈粉紅色。慢煮保持肉質嫩滑唔嚡口，肥膏部份油香四溢。菠菜芝士焗蠔($58), 一共有3大隻，不是cheap嘢，蠔味好濃，即使配上芝士也掩蓋不了。美式蟹餅($58), 全晚最有驚喜，很足料，外皮超脆，內裡蟹肉超多，蟹味爆燈，$58好抵食。