山系。本舍

營業中

休息中

部份食物有驚喜，餐廳無咩冷氣係第二驚喜。晚餐二人，一共叫咗7~8樣嘢食，$7xx 落樓。牛舌芯超好味，超軟，推薦。柚子醋牛肋肉，超軟，超入味，推薦。燒雞皮，外脆內軟，推薦。至於其他個d, 味道都唔錯，但過半餸都係落同一款沙律醬係面，再加同一款紅椒絲係面裝飾，有d hea😂睇相就知好多沙律醬。第二驚喜係間嘢冇冷氣甘仔，7月食真係熱到high high. 食到一半，加上無限沙律醬既餸，加上熱到一身汗，我已經悶住左食唔落；男朋友就食到一身一頭汗，加上飲埋啤酒，已經無哂食慾。結論，食到一半已熱到分唔到味道，又悶到好飽，有d 想嘔，想離座。餐廳裏面超迫，bar 枱二人真係坐唔到😂迫到隔離最尾個女仔側身痴住牆坐🫠甘細既環境，眼見超過5個風扇，即係每兩個人有一個風扇😂可想言之老細都知d 客好熱。