影片
更多
2017-02-01
3465 瀏覽
正門條樓梯非常窄，反而經停車場有lift直達大年初四大中華同米走雞都未啟市，唔知有無關，下午訂位時室內位已坐滿，要坐停車場。喺店後多層停車場內開咗3張大枱3張細枱。其實坐停車場可能比坐店內更好，因為店內比較窄好彈聲好嘈，反而停車場極度闊落，半圍牆超級通風舒服，非常有舊式街邊大排檔feel, 唯一缺點係光管燈燈光比較昏暗。首先要先讚一讚服務很好，員工好笑容同活力，有熱誠，高級食府級數。流沙黃金蝦，$168，一般黃金色個牛油虎鹹蛋黃汁都係流質汁狀，但呢度好特別整到似炸蒜碎粒粒嘅狀態，食落會清爽啲無咁漏，大蝦已去殼，食時好方便。部長建議加埋中間嘅沙律一齊食，一濕一乾，一凍一熱，一鹹一甜，層次豐富。招牌避風塘炒蟹，$600。同席朋友係廚，佢話認得呢嗰廚以前係喺銅鑼灣橋底辣蟹後面街好出名嘅「辣蟹X」度做，所以出品有一定保證。蟹大隻，肉厚雪白，新鮮鮮甜。炸蒜炸得惹味乾身唔油膩，而且份量極多，送飯送麵一流。可自選辣度。而且會送張優惠券送多隻蟹for下次幫襯時用。魚湯煮蜆，湯極度過鹹，零魚湯鮮味，只有芹菜味。小炒王，非常有鑊氣，微辣，蝦乾魚乾鹹鮮美味，軟硬度與其他食材也非常配合。唔叫返支啤油啤一啤真係
大年初四大中華同米走雞都未啟市，唔知有無關，下午訂位時室內位已坐滿，要坐停車場。
喺店後多層停車場內開咗3張大枱3張細枱。其實坐停車場可能比坐店內更好，因為店內比較窄好彈聲好嘈，反而停車場極度闊落，半圍牆超級通風舒服，非常有舊式街邊大排檔feel, 唯一缺點係光管燈燈光比較昏暗。
首先要先讚一讚服務很好，員工好笑容同活力，有熱誠，高級食府級數。
流沙黃金蝦，$168，一般黃金色個牛油虎鹹蛋黃汁都係流質汁狀，但呢度好特別整到似炸蒜碎粒粒嘅狀態，食落會清爽啲無咁漏，大蝦已去殼，食時好方便。部長建議加埋中間嘅沙律一齊食，一濕一乾，一凍一熱，一鹹一甜，層次豐富。
招牌避風塘炒蟹，$600。同席朋友係廚，佢話認得呢嗰廚以前係喺銅鑼灣橋底辣蟹後面街好出名嘅「辣蟹X」度做，所以出品有一定保證。蟹大隻，肉厚雪白，新鮮鮮甜。炸蒜炸得惹味乾身唔油膩，而且份量極多，送飯送麵一流。可自選辣度。而且會送張優惠券送多隻蟹for下次幫襯時用。
魚湯煮蜆，湯極度過鹹，零魚湯鮮味，只有芹菜味。
小炒王，非常有鑊氣，微辣，蝦乾魚乾鹹鮮美味，軟硬度與其他食材也非常配合。唔叫返支啤油啤一啤真係浪費咗佢。
炸九肚魚，或許火力唔夠，基本上係完全炸唔起夾唔起，碟底像油浸一般，不過魚肉係滑身嘅。特別之處係佢個炸漿有濃郁蒜味。
辣酒煮螺，辣度都幾高，螺都算大隻，味濃有點四川麻辣feel。
蟹油炒麵，不是太feel到蟹油，但係係一個好食嘅炒麵，乾身惹味，麵非常幼身，用嚟伴炸蒜同店家自製鹹香辣醬都一流。每人才$270，抵食！
張貼
