影片
更多
2009-07-09
14 瀏覽
5月16日, 今晚口痕痕想打邊爐~ 同呀比去咗德興食9點半邊爐. 真係好多人等位~ 不過我地等咗半個鍾度都入得! 坐位都算舒服, 仲有電視睇~ 計晒$106, 係冇加$8要混醬… 叫咗沙爹鴛鴦湯底, 即係沙爹拼清湯… 個沙爹都ok辣架wor, 不過真係好好味! 另外仲有任飲的竹蔗茅根, ok甜但唔太漏. 好! 叫野食!::: 肉類 :::打邊邊就梗係唔少得肥牛! 呢度d牛都幾新鮮, 有雪花, 不過牛味就唔太濃. 另外普通料如豬羊雞手切牛都有~ 特別d有駝鳥肉, 食落比牛肉更好味, 仲有牛展, 煙煙韌韌的比肥牛更有咬口更濃牛味! 仲有唔好食都好玩嘅墨魚滑同牛肉滑, 真係好滑! 令人驚喜嘅竟然有帶子叫! 雖然係細細粒嘅薄切但係味道都唔錯.::: 粒粒丸類 :::好欣賞佢d手打肉丸有豬肉丸, 牛肉丸, 雞肉丸, 墨魚丸, 細細粒好彈牙而且感覺新鮮. 不過質地實咗d. 其他有d特別丸好似芝士牛丸, 鵝肝豬肉丸就比較遜色. 未烚已經見到個芝士露咗出黎, 亦都食唔出有鵝肝味. 正常料有芝士腸, 雲吞, 魚皮餃等. 雲吞除咗條雲吞尾過長之外都幾好食. 另外呀比叫咗炸魚皮, 魚皮最怕淋pat pat,
::: 肉類 :::
打邊邊就梗係唔少得肥牛! 呢度d牛都幾新鮮, 有雪花, 不過牛味就唔太濃. 另外普通料如豬羊雞手切牛都有~ 特別d有駝鳥肉, 食落比牛肉更好味, 仲有牛展, 煙煙韌韌的比肥牛更有咬口更濃牛味! 仲有唔好食都好玩嘅墨魚滑同牛肉滑, 真係好滑! 令人驚喜嘅竟然有帶子叫! 雖然係細細粒嘅薄切但係味道都唔錯.
::: 粒粒丸類 :::
好欣賞佢d手打肉丸有豬肉丸, 牛肉丸, 雞肉丸, 墨魚丸, 細細粒好彈牙而且感覺新鮮. 不過質地實咗d. 其他有d特別丸好似芝士牛丸, 鵝肝豬肉丸就比較遜色. 未烚已經見到個芝士露咗出黎, 亦都食唔出有鵝肝味. 正常料有芝士腸, 雲吞, 魚皮餃等. 雲吞除咗條雲吞尾過長之外都幾好食. 另外呀比叫咗炸魚皮, 魚皮最怕淋pat pat, 不過呢個十分脆口, 浸大慨3-4秒吸收咗沙爹湯嘅精華而仲十分脆~
::: 蔬菜類 :::
菜類頗多~ 生菜白菜苗紹菜韭菜油墨菜等一一有齊. 冬瓜南瓜番茄粟米金菇豆腐都係我摯愛~ 都夠甜同新鮮.
總括黎講食物都不錯. 不過款就唔夠其他打邊爐特別… 而且真係超爆嘈! 我地隔離台有張大台有家人食晚飯. 兩個小妹妹玩到去我地個位隔離尖叫都冇人理!!! 好討厭囉!!! 再想打邊爐我寧願食抵食d嘅新星或者質素更好嘅稻香!
張貼
