壹蒸鍋

其實我好少寫評語，但我忍唔住。食物有質素，蝦同龍蝦都好新鮮，蝦仲識郁，龍蝦又彈牙。員工服務態度良好，除左一個，果個女員工，短髮，好差，講野冇尾音，語氣勁掘，係個場度鬧d同事， 係咁咆哮，勁嘈。其實如果客人夠鐘，可以走埋去，有禮貌咁示意：你好，last order仲有30分鐘，or你好，仲有15分鐘夠鐘數， or你好，已經夠鐘，其他同事有咁做， 但佢唔係，大庭廣眾，大叫，呼喝，咆哮，鬧同事，專登勁大聲咁話xx號枱呀，仲未走，出面有客等緊etc，專登俾個客聽到，嚇到我地雞咁腳走，口罩都帶唔切，怕左佢，怕其他員工受罪。我唔知佢咩title，就算經理同老闆都唔應該咁對同事，同客人，應有個人維養，待人接物要有基本尊重，唔係趕客，倒米。我明白，好多人覺得大聲，唔代表無禮貌，但如果語氣放輕，多d微笑，發放正能量，好多時都係相向大家都開心，同事返工開心，客人黎食野開心，會再返黎食，或介紹朋友黎，大家個關係係Long term， 公司賺到錢，生意興隆，3贏。希望佢願意檢討及改進，如果本身個性格係咁強勢，應該好好考慮下，仲適唔適合做服務性行業，因為返工既同事，同黎食野既客人，都唔想受氣。