六公館

營業中

休息中

趁住天氣好，就去可以望到海景嘅六公館飲茶，雖然唔係坐window seat，但空間開揚，整體氣氛都好relax。千絲蘿蔔酥（$58）正常味道，伴碟嘅脆薏米好似爆谷咁嘅味，好有趣！黑豚叉燒腸粉（$68）黑豚叉燒惹味，正常水準。三文魚子燒賣（$68）好食！內餡豐富，但三文魚子好腥…夾埋一齊食只有腥味，所以到最後都分開佢地…雪山叉燒包（$68）好耐無見過雪山叉燒包！皮好脆而且重奶香味，即刻encore多籠！竹炭流沙包（$58）上枱個陣熱辣辣，成功流到沙。脆皮蘿蔔糕（$80）本來以為脆皮係指將蘿蔔糕表面煎到脆，原來係蘿蔔糕表面加多層薄脆皮。但味道平平⋯素菜鮮竹卷（$50）係普通嘅鮮竹卷蟹肉炒新竹米粉如果鐘意食蟹肉嘅朋友推薦要試下依個，蟹肉比想像中多，毎食一啖都充滿蟹肉。食物老實講只係普通地好食，但有靚景都平衡返嘅。不過依個價錢有更多好食嘅選擇。