大家姐 (已結業)

今日行個荃灣大家姐，肚餓啦諗住食個碗仔翅，諗住食個細碗的，我見堂食冇乜位諗住外賣啦。排到埋去個阿姐問我響度食定攞走，我多口問句咁有無位，個阿姐答我咁有嘅。咁好啦咁我話坐喺度食啦。響嗰度食過嘅人都知幾亂駕啦。我之前係排一個男仔佢就買咗五個碗仔翅，我見第六碗出嚟啦咁我心諗係我架啦。其實我係第一次喺呢間度食嘢，咁我攞住個碗碗仔翅就坐喺度食啦。食食吓個就大大聲好惡咁話我，話我用咗＄15買細碗就攞錯個大碗嘅，叫我比番＄5。個態度令我覺得好似有心欺騙佢咁。比＄5唔係問題，問題係個態度唔使咁惡下丫。我第一次食邊度知道佢係大碗定細碗。食物又唔見得特別好味，態度又差，冇下次！