影片
更多
2017-07-21
88 瀏覽
兩點幾，一行五人起又一城搵食，見到店面裝潢幾有格調﹐間野應該主打甜品，有意粉set，menu價錢ok就入去。坐既係店舖外比較簡陋既位，地下有d污糟，我地肚餓想即刻坐低食野，都唔介意坐咩位。睇完一輪menu，order左三個意粉set同兩個甜品。意粉set跟飲品同沙律，等左一陣，沙律只上左兩個，意粉上左一個。我地諗可能漏單，叫店員check check。明明只係好簡單，我地都好清晰話比店員知我地叫左邊三個意粉，而家只有一個到左，去睇返機落左邊個，咪知道落漏邊個囉，店員竟然拎番佢手寫果張單，走黎問番我地係邊個冇落，嘩最好我地做客既係會知啦。第一碟意粉食完，過左一陣甜品芒果雪山黎左一個，漏果個沙律又到左，叫做人人都有d野落肚啦。第一碟意粉係瑞士雞翼鮮菌意粉，雞翼好食，菇味道太重，意粉味道太淡，冇再食既意慾。叫既甜品芒果雪山外觀同menu相差別極大，配料樣樣都有但少過menu既相，不過味道都ok，可以接受。冇幾耐第二三碟意粉都到左，朋友話卡邦尼煙三文魚意粉ok，拿破倫香飲品(唔甜既果茶)分左一次一杯同一次兩杯咁上，怪怪地，唔知點解飲品後上，仲要分左兩次上三杯飲品。直到清哂台面所有食物，orde
意粉set跟飲品同沙律，等左一陣，沙律只上左兩個，意粉上左一個。我地諗可能漏單，叫店員check check。明明只係好簡單，我地都好清晰話比店員知我地叫左邊三個意粉，而家只有一個到左，去睇返機落左邊個，咪知道落漏邊個囉，店員竟然拎番佢手寫果張單，走黎問番我地係邊個冇落，嘩最好我地做客既係會知啦。第一碟意粉食完，過左一陣甜品芒果雪山黎左一個，漏果個沙律又到左，叫做人人都有d野落肚啦。
第一碟意粉係瑞士雞翼鮮菌意粉，雞翼好食，菇味道太重，意粉味道太淡，冇再食既意慾。
叫既甜品芒果雪山外觀同menu相差別極大，配料樣樣都有但少過menu既相，不過味道都ok，可以接受。
冇幾耐第二三碟意粉都到左，朋友話卡邦尼煙三文魚意粉ok，拿破倫香飲品(唔甜既果茶)分左一次一杯同一次兩杯咁上，怪怪地，唔知點解飲品後上，仲要分左兩次上三杯飲品。
直到清哂台面所有食物，order左既甜品栗子鬆餅仲未到，但無啦啦又多第四個沙律比我地，店內既傳菜真係混亂到一個極點。我地叫店員睇睇係咪漏左栗子鬆餅，店員話栗子鬆餅係耐d，要等半個鐘。我地話「下，我地已經食哂其他野，都坐左半個鐘啦」，店員話check check，結果真係漏單，我地就埋單走人，五個人只食左四份食物，餓住咁走，埋單6人共$249(三意粉一甜品)。
成個過程冇店員為漏單表示歉意，我地比完錢離店都冇人講「多謝幫襯」「拜拜」。店員全部冇咩笑容，態度未至於好惡劣，但冇所謂到好似唔想做人生意咁。呢間野只有店面裝潢靚，意粉麻麻，甜品只試左一個，無法客觀評論甜品質素，但整體經驗非常差，絕對唔會想再幫襯，係除左大學canteen外我食過服務最差既餐廳。店內客唔多，四個樓面店員都咁慢咁亂，服務差仲要收加一，冇下次既餐廳。
張貼