極上千島櫻海景放題 (已結業)

今次嚟呢度係比廣告嘅海景標題吸引咗嚟，我哋6:30準時到，一入門口見到假嘅櫻花樹裝飾，入到餐廳門口位置有幾間日式脆坐嘅房，都幾特別。我哋三人都被安排坐六人窗口嘅卡座，座位好闊落，旁邊有落地玻璃，不過夜晚都唔係點睇到個海，而且我哋又掛住食。食物我覺得就普普通通，不過服務都幾好，而且座位真係寬敞，如果多人可以坐房其實都係一個唔錯嘅選擇。刺身叫咗兩次，第二次比第一次新鮮，懷疑第一次係食返尋日剩嘅貨。外面自助區食物，炸三文魚有啲乾而且幾鞋。壽司都ok。炸物。串燒，雞翼有啲乾。手卷紫菜唔夠脆。呢幾款熟食唔錯。各類飲品，有清酒及梅酒。各類甜品。每人一盒，movenpick雪糕。