LA Restaurant & Dessert Bar (已結業)

今日約咗朋友喺旺角食，大家都想搵間小店唔會太貴又坐得舒服嘅，行過女人街見到呢間西式小店好似都唔錯就同朋友一齊試吓。裝修幾文清，有種小清新嘅風格，雖然店舖唔大但係位置都算疏落，坐得舒服，另外食物嘅選擇都好豐富。《鵝肝多士》估唔到小店都有鵝肝食，配上脆口嘅多士，成個配搭都幾完美好食！《餐湯》呢個係忌廉湯，入面都幾多配料，同埋有蒜蓉包，番茄莎莎，配搭好多。《脆炸軟殼蟹意大利粉》$108有兩大隻軟殼蟹! 炸得好香脆，唔會好粉，而且意大利飯粒粒分明，有咬口，口感唔會好林，同埋好creamy! 份量都幾多。《煙三文魚薄餅》$88估唔到薄餅都幾大個！我薄餅係意大利薄餅，偏薄，就算食多幾片都唔會好濟，重點係好多芝士，煙三文魚都好好食😋《焦糖燉蛋雪糕》$68焦糖燉蛋好滑好香蛋味，側邊有好多脆脆，由於配料好豐富所以食得好開心。《Cookie Black》$48呢杯沙冰有雪糕喺上面，沙冰係咖啡味，好香濃，嗌咗少甜所以唔會太甜整體都OK。 總括嚟講，同朋友傾吓計放鬆一下選擇呢度真係好唔錯。