影片
更多
2021-09-19
1418 瀏覽
華苑潮州閣（尖沙咀）朋友介紹呢間係正宗潮州菜，食物好有質素，同家人一齊嚟中秋做節。餐廳座位唔算多，而且好多都係包廂或卡位，幾有私隱。🔅芋茸香酥鴨呢個好食，外皮嘅有酥香，餡料又有芋頭嘅粉嫩軟滑，亦有鴨味，三者和諧協調。⭐️推薦指數：8/10🔅蠔烙呢個又係好食，非常足料，爆多蠔仔，而且蛋有蛋香。蠔餅嘅口感唔係好多粉或者空氣，而係好實在，淡淡都好滿足。⭐️推薦指數：8/10🔅滷水三併話就話係三併，但其實有鵝肝、鵝片、鵝肉、鵝腸、雞蛋、芽菜。👉滷水汁帶少少花椒嘅辣，食肉唔覺，但食芽菜等等沾得比較多滷水汁嘅食材，就會有少少辣嘅感覺，同時只有淡淡嘅藥材味，唔會好似其他餐廳嘅滷水用藥材味冚晒食材嘅味道。👉最好食係鵝肝，完全冇任何苦味，入口未算即溶但幾軟滑，同法式鵝肝爆油口感係另一種感覺。👉鵝腸有少少爽口，但比較難咬斷，食多兩條牙骹有啲軟。👉鵝片韌，口感粗糙，連皮帶骨嘅鵝肉反而比較好食，鵝皮亦帶油香。⭐️推薦指數：6/10 （建議只點滷水鵝肝）🔅糖醋伊麵 雙面王麵炸得外脆內軟，隨自己口味加糖加醋，好邪惡但好好味！⭐️推薦指數：8/10🔅烏豆沙水晶球出乎意料好食！豆沙微甜，帶陳皮味，食完唔會覺得飽滯，反而想食多
朋友介紹呢間係正宗潮州菜，食物好有質素，同家人一齊嚟中秋做節。
餐廳座位唔算多，而且好多都係包廂或卡位，幾有私隱。
🔅芋茸香酥鴨
呢個好食，外皮嘅有酥香，餡料又有芋頭嘅粉嫩軟滑，亦有鴨味，三者和諧協調。
⭐️推薦指數：8/10
🔅蠔烙
呢個又係好食，非常足料，爆多蠔仔，而且蛋有蛋香。蠔餅嘅口感唔係好多粉或者空氣，而係好實在，淡淡都好滿足。
⭐️推薦指數：8/10
🔅滷水三併
話就話係三併，但其實有鵝肝、鵝片、鵝肉、鵝腸、雞蛋、芽菜。
👉滷水汁帶少少花椒嘅辣，食肉唔覺，但食芽菜等等沾得比較多滷水汁嘅食材，就會有少少辣嘅感覺，同時只有淡淡嘅藥材味，唔會好似其他餐廳嘅滷水用藥材味冚晒食材嘅味道。
👉最好食係鵝肝，完全冇任何苦味，入口未算即溶但幾軟滑，同法式鵝肝爆油口感係另一種感覺。
👉鵝腸有少少爽口，但比較難咬斷，食多兩條牙骹有啲軟。
👉鵝片韌，口感粗糙，連皮帶骨嘅鵝肉反而比較好食，鵝皮亦帶油香。
⭐️推薦指數：6/10 （建議只點滷水鵝肝）
🔅糖醋伊麵 雙面王
麵炸得外脆內軟，隨自己口味加糖加醋，好邪惡但好好味！
⭐️推薦指數：8/10
🔅烏豆沙水晶球
出乎意料好食！豆沙微甜，帶陳皮味，食完唔會覺得飽滯，反而想食多粒！
⭐️推薦指數：9/10
🔅百合茨實糖水
好足料，百合清甜，茨實煙韌，糖水我覺得略甜咗少少，再淡番啲會更好。
⭐️推薦指數：7.5/10
🔅服務
沖茶結果茶壺神秘消失，功夫茶等十分鐘都無影。
⭐️殷勤指數：2/10
總評：食物真實質料，味道中上，服務需提升。
張貼
