影片
更多
2016-02-07
6597 瀏覽
琴日同老闆同埋成班同事去食飯..諗唔到食咩好最後簡左去美麗華Yamm食Buffet一入到去已經好有氣氛..因為燈光偏暗 比較柔和 唔會太光有種催促既感覺 由於我地多人 所以安排左坐長枱 位置比較近food station 服務 : 一入到去帶位個位侍應簡單介紹左佢地有咩食 話係做緊蠔同燕窩既promotion 然後好快就有其他侍應加水俾我地食物: 首先介紹一下蠔.. 見到有個station係即開生蠔 我馬上唔執輸去排隊攞每人有三隻 有法國英國美國..啲蠔好新鮮 睇住師傅即刻開 海水味都夠但唔算好重 生蠔旁邊就見到燕窩炒蛋，炒蛋味道剛好 我食到比較重椰汁味 再加上燕窩同埋魚子 個配答幾新鮮 去到熟食檔 果然有好多蠔既food items..我簡左大板燒同蠔粥。燒熟左既蠔好似大隻左咁 好肥美有啲白汁係面..好香 口感一流 再行過少少竟然發現到原有鵝肝緊係拿拿林攞返件，佢下面答住塊多士仔 香軟既鵝肝加上好脆既多士 而且都唔會話好細 得少少咁 我全程食左三份🙊..當然我聽其他同事講yamm個龍蝦生係招牌野 咁我都攞左2隻試下 肉質鮮美爽甜 唔會話好梅咁 而且都
一入到去已經好有氣氛..因為燈光偏暗 比較柔和 唔會太光有種催促既感覺 由於我地多人 所以安排左坐長枱 位置比較近food station
服務 : 一入到去帶位個位侍應簡單介紹左佢地有咩食 話係做緊蠔同燕窩既promotion 然後好快就有其他侍應加水俾我地
食物: 首先介紹一下蠔.. 見到有個station係即開生蠔 我馬上唔執輸去排隊攞
每人有三隻 有法國英國美國..啲蠔好新鮮 睇住師傅即刻開 海水味都夠但唔算好重
生蠔旁邊就見到燕窩炒蛋，炒蛋味道剛好 我食到比較重椰汁味 再加上燕窩同埋魚子 個配答幾新鮮
去到熟食檔 果然有好多蠔既food items..我簡左大板燒同蠔粥。燒熟左既蠔好似大隻左咁 好肥美有啲白汁係面..
好香 口感一流
再行過少少竟然發現到原有鵝肝緊係拿拿林攞返件，佢下面答住塊多士仔 香軟既鵝肝加上好脆既多士 而且都唔會話好細 得少少咁 我全程食左三份🙊..
當然我聽其他同事講yamm個龍蝦生係招牌野 咁我都攞左2隻試下 肉質鮮美爽甜 唔會話好梅咁 而且都夠凍 唔差
當然佢仲有其他啲蜆，青口，凍蝦 ..無咩特別所以無影到了，海鮮款式適中 唔算好多 但質素都偏高既其實佢仲有好多熟食同埋壽司刺身等等
整體而言食物款式都算多..夠食足一晚
到咁上下 就緊係要食返個甜品先完美啦
其實一到左已經比個抺茶朱古力噴泉吸引住 ... 佢D配料都算多 我簡左最愛既士多啤梨非常滿足
當然依個馬卡龍架都非常之吸引佢有好多味道 我覺得檸檬味好特別 不過d馬卡龍唔算太甜 所以可以食多幾粒
我仲發現左依兩款燕窩甜品，一個係燕窩桂花糕 佢底部有層椰糕 好食下面係冰糖燕窩😏唔洗多講啦 仲加左啲椰果 增加口感 前後飲左四個😌
最後老闆埋單 同事一致都覺得yamm唔錯 會再返泥食！ 下次我會帶埋男朋友一齊食 畢竟都係覺得個氣氛比較浪漫希望下次再來會有更多新野食
張貼
