上戶酒場 (已結業)

今日休息同朋友嚟九龍城居酒屋。首先，前菜係我鍾意嘅蕷果沙律，爽脆，醒胃，適合夏天，配以沙律醬料，畀人帶嚟一種清新嘅口感。生蠔係「獨眼龍」好肥好鮮甜，極具特色，將生蠔細仔送入口中，海水嘅咸鮮與檸檬汁嘅酸融合喺一齊，極度肥美新鮮。池魚魚生畀切到一片片，呈現出誘人嘅顏色同質感。每一片魚生都鮮嫰。白魚湯好真材實料，煲到白，湯上面仲凝結咗一層骨膠原。鐵板豆腐，外皮酥脆，內餡嫩滑豆腐上嘅汁同蔥花令到豆腐口感更佳豐富。煙熏五重芝士pizza，煙薰好香，第一次食煙熏嘅pizza，金黃嘅酥皮上覆蓋住濃郁嘅芝士層，芝士拉絲嘅景象引發胃口。每一啖都係融化嘅芝士、香氣四溢。羊架燒到內裡肉質嫩滑，濃郁嘅羊肉香與炭火嘅煙熏味交織喺口中，好味。整體，食物有質素，職員服務很好，上菜會介紹食物嘅特色。