王子飯店

營業中

休息中

終於明白點解佢個場永遠都咁冷清，食物完全同同場嘅x苑冇得比。叫咗兩個煲仔菜，但完全係貨不對辦嘅煲仔菜，上枱冇最重要嘅咋咋聲，完全係普通煮完，搵個煲當碟咁樣上碟就當係煲仔菜。同場x苑嘅煲仔菜係熱辣辣，香噴噴，一上枱就咋咋聲，煲入面嘅餸仲會黐住煲邊，有少少燶。呢間的煲仔菜，冇香味，冇聲音，冇煲仔菜最重要嘅鑊氣，0分。食咗一個鐘，張枱有兩隻蚊飛來飛去都算，其中一個煲仔菜入面，仲有一條短嘅頭髮，好嘔心試過一次，一定唔會再有下次。食物基本技巧都做得唔好，是是但但，衛生問題亦都不能接受，分分鐘屋村酒樓嘅小菜仲做得好過佢。