影片
更多
2010-09-29
10 瀏覽
友人生日, 想食日本菜, 我提議去世貿中心的”博多道場”, 因為我地2個都未食過, 又好似幾hit咁。訂了8:00pm, 好彩有訂坐, 因為勁多人排隊。食物：火灸鰹魚沙律 ($75)：鰹魚都幾好味, 不過呢個菜式…其實又唔多覺係”沙律”。如果呢個價錢, 淨係食幾塊鰹魚 (其他都係d 洋蔥、蔥、 蒜片墊底), 又好似唔係好值。明太子玉子 ($48)：睇過食評話呢個好評, 當然又係要試。味道真係好味, 不過就咁睇樣就已經feel到個玉子燒得過咗火, 老咗少少, 有少少”鞋口”。不過都好味。南蠻炸雞($52)：又係食評推介, 當然又要試試。份量唔多, 不過又係好味。好香口, 雞肉好嫩, 配埋沙律醬, 好味。長崎五島牛肉烏冬 ($98)：個樣就平平凡凡, 不過又好好味喎。牛肉好嫩, 真係好有”牛味”。鳥冬好幼, 都幾彈牙。呢個真係好味, 不過, $98一碗嚟講, 又係幾貴。免治雞肉串 (生雞蛋汁) (each $30) x 2：又係食評推介, 好似又係必食咁。我同友人一人一串, 雞肉好味, 不過好似燒得過咗火, 有少少”黑” & 焦味。 配上生雞蛋, 感覺都ok滑。 不過感覺上, 無講得咁好食
食物：
火灸鰹魚沙律 ($75)：鰹魚都幾好味, 不過呢個菜式…其實又唔多覺係”沙律”。如果呢個價錢, 淨係食幾塊鰹魚 (其他都係d 洋蔥、蔥、 蒜片墊底), 又好似唔係好值。
明太子玉子 ($48)：睇過食評話呢個好評, 當然又係要試。味道真係好味, 不過就咁睇樣就已經feel到個玉子燒得過咗火, 老咗少少, 有少少”鞋口”。不過都好味。
南蠻炸雞($52)：又係食評推介, 當然又要試試。份量唔多, 不過又係好味。好香口, 雞肉好嫩, 配埋沙律醬, 好味。
長崎五島牛肉烏冬 ($98)：個樣就平平凡凡, 不過又好好味喎。牛肉好嫩, 真係好有”牛味”。鳥冬好幼, 都幾彈牙。呢個真係好味, 不過, $98一碗嚟講, 又係幾貴。
免治雞肉串 (生雞蛋汁) (each $30) x 2：又係食評推介, 好似又係必食咁。我同友人一人一串, 雞肉好味, 不過好似燒得過咗火, 有少少”黑” & 焦味。 配上生雞蛋, 感覺都ok滑。 不過感覺上, 無講得咁好食, 所以, 如果有下次, 未必會再叫呢個。
5條串燒set ($118)：一上枱, 同menu圖畫唔同, 問侍應, 先知原來串燒set的”內容”係隨師傅決定。我地呢碟就分別有：雞亦 (好味, 好香口) , 煙肉包住蠔仔 (好味, 估唔到細細隻蠔都幾有蠔味) , 魷魚so (ok啦, 比較”un”) , 雞軟骨 (好味, 好香口), 雞肉 (一般)。
其實去之前有睇openrice, 個個都讚雞肉串配生蛋汁, 我同友人都一人一串, 但係就無預期咁正, 反而個烏冬有驚喜。
Service： 好好, 勁有禮貌, refill水、收碟好快手。環境：ok, 因為我坐近門口, 唔知有幾大。我估呢間都叫幾”正宗”日本菜, 因為現場都幾多日本人幫襯。食物：都有驚喜, 大部份都好食。價錢：有點偏貴。
Total: $496
張貼
