潮州城酒樓

營業中

休息中

去完博物館，諗住對面近近地搵間酒樓食晚飯，就去潮州城酒樓試下，原來酒樓佔二樓全層，裝修光鮮，座位闊落舒服。一坐低就有功夫茶飲，叫左鹵水鵝片、胡椒豬肚湯、鹽燒雞、水瓜魚鰾，估唔到樣樣都好好味😋，食物食材新鮮。價錢都好合理。甜品叫了潮州清甜湯，十分清潤。另外叫了福果芋泥，軟滑得來又有口感，非常好食。芋泥上的福果都好好食，好煙韌。兩個甜品甜度都好適中。食完飯又有功夫茶解膩。值得一讚係職員態度好好，細問之下才知道酒樓開了四十幾年，幾個月前新裝修。酒樓無論服務，食物都好有老香港的感覺，食得出酒樓係用心做食物。係香港愈來愈難搵到呢類酒樓，希望潮州城繼續用心做落去。