杦 (已結業)

原本打算開開心心同家人慶祝生日，點知就換來一個失望嘅經歷，一入去餐廳坐低就發現櫈上面有食物殘渣，雖然唔算好似茶餐廳咁污糟，但以一間高級嘅日本餐廳來講就不能接受，之後侍應放低張安心出行紙仔就行咗去，要問佢先倒杯茶俾你，全晚都幾次發現餐具污糟要更換。食物方面，叫左個極上刺身拼盤（$680,10點）同特上壽司拼盤（$498，10點），叫得極上真係冇諗過當中會有三文魚同魷魚呢啲平價野，上菜嘅時候個侍應會介紹俾你知每一款魚嘅名，但佢一啲都唔熟，er左好耐都講唔出，同埋亦將兩款完全唔一樣嘅魚講成同一個名，好搞笑地不專業。個天婦羅係我食過最差嘅，未見過下面張紙充滿油既天婦羅，同佢反映，佢就話「係呀，啲炸粉厚左啲」，跟住就撥開話題講第二啲嘢。總括來講，食物質素同服務態度完全唔值呢個價錢。