Sweetology (已結業)

食完真係嬲到震，未食過咁難食嘅甜品！夜晚行完街，經過Sweetology睇到個menu好吸引，就入去食個甜品，叫左朱古力號&宇治金時號。甜品上檯就知出事，兩碗野一上檯已經出晒水，同menu個圖完全係兩回事，嚴重貨不對辦。綠茶雪糕一啲綠茶味都冇，成碗野冇一樣野食得落，雪糕3分鐘內極速溶晒，見到碗野已經冇晒胃口！朱古力號只有雪糕可以入口，其他配料都九唔答八，個雪糕又係3分鐘已經完全溶晒，冇辦法繼續食落去！男朋友嬲到要即刻走，俾左錢但係啲野唔食得，有冇搞錯呀！做飲食唔該俾啲heart啦，錢唔係咁賺架！錢就識收，仲要唔平，但係俾啲咁嘅野人地食，唔識整又要整，整完仲要賣俾人食，太過份，絕對冇下次！