稻田食堂

營業中

休息中

應承放假陪丫媽去葵芳行花市, 順道係附近食個LUNCH。經過呢間餐廳, 見門外餐牌食物款式多, 價錢合理, 而且餐廳內幾乎爆滿, 被人氣吸引入去試試。餐廳供應多款便當、小食、拉麵等…揀食咩都要花點時間。黑松露三文魚壽司:壽司精緻, 飯唔會壓得太實, 三文魚壽司上加了黑松露點驟, 多一份松露香。唐揚魷魚鬚:魷魚鬚炸皮薄而且酥脆, 魷魚鬚爽彈唔硬, 配上千島醬食, 味道更提升。沖繩便檔:組合豐富又吸引, 包括有吉列千層芝士豬扒1件+汁燒金菇牛肉卷2件+味付螺肉+咖哩飯、刺身3種(三文魚2件, 帶子2件, 有頭甜蝦一隻)千層芝士豬扒內芝士已經溶化, 入口酥脆帶點芝士奶酪味, 美味邪惡。金菇牛肉卷層次豐富有肉汁, 咖哩飯選用了甜咖哩, 味道更有層次。配上三款刺身, 超滿足。汁燒豬軟骨蕃茄濃湯烏冬:豬軟骨肉同骨都軟淋入味, 採用稻庭烏冬夠哂誠意易掛湯, 蕃茄湯底濃郁酸甜, 好味又開胃。