影片
更多
2024-03-19
206 瀏覽
早幾日同屋企人去咗呢到食lunch , 咁啱帶埋個仔出嚟所以變咗個BB x 朋友聚會。當日天氣唔錯，亦都唔算熱，坐係室外都好舒服，好多人係草地picnic 等等。呢度其實有好多唔同嘅餐廳選擇，所以假如呢度無位都可以試下第二間。好啦，講返食物先。呢度中午主要都係食點心，炒粉麵飯呢啲大路嘢。價錢唔算好貴，唔平，只係正常。而且食物都算有特色，味道算幾好，亦都有花心思裝飾擺盤。假如同朋友，屋企人嚟食吓飯都算係幾好嘅選擇。不過服務真係麻麻地，坐低咁耐都無人過嚟落單。落單嘅時候語氣亦都好似好催促趕時間咁，落單落得好唔舒服。食物就無乜投訴，只係佢哋推介個叉燒皇好乾。點心方面，蝦餃幾好食，爽口無臭味，皮唔糊。燒腩仔脆嘅，不過都係有啲鞋。小籠包操作正常，都係啲好港式嘅風格。炒咗個飯，同埋龍皇海鮮泡飯，兩者都係熱辣辣出哂煙，熱食乜嘢都會加分，確實係OK。而且後者由於係泡飯嘅關係都幾飽肚。同行8人，共銀 $2864。貴就真係唔算貴，只係服務唔係好好。最後我哋傾傾下計，個waiter 走過嚟話 『見大家都食完，不如趁得閒先埋咗張單佢』。唔知係佢得閒定我得閒，不過唔緊要，反正食完都差唔多走喇。溫馨提示：此篇文章
當日天氣唔錯，亦都唔算熱，坐係室外都好舒服，好多人係草地picnic 等等。呢度其實有好多唔同嘅餐廳選擇，所以假如呢度無位都可以試下第二間。
好啦，講返食物先。呢度中午主要都係食點心，炒粉麵飯呢啲大路嘢。價錢唔算好貴，唔平，只係正常。而且食物都算有特色，味道算幾好，亦都有花心思裝飾擺盤。假如同朋友，屋企人嚟食吓飯都算係幾好嘅選擇。
不過服務真係麻麻地，坐低咁耐都無人過嚟落單。落單嘅時候語氣亦都好似好催促趕時間咁，落單落得好唔舒服。食物就無乜投訴，只係佢哋推介個叉燒皇好乾。點心方面，蝦餃幾好食，爽口無臭味，皮唔糊。燒腩仔脆嘅，不過都係有啲鞋。小籠包操作正常，都係啲好港式嘅風格。
炒咗個飯，同埋龍皇海鮮泡飯，兩者都係熱辣辣出哂煙，熱食乜嘢都會加分，確實係OK。而且後者由於係泡飯嘅關係都幾飽肚。
同行8人，共銀 $2864。貴就真係唔算貴，只係服務唔係好好。
最後我哋傾傾下計，個waiter 走過嚟話 『見大家都食完，不如趁得閒先埋咗張單佢』。唔知係佢得閒定我得閒，不過唔緊要，反正食完都差唔多走喇。
溫馨提示：此篇文章為自費食評，食物質素每日可能不穩定。
張貼
