蜜蜜見 (已結業)

餐廳分室外及室內，我地去到果陣室內已經滿人，我地覺得室外環境都ok，就要求職員執一執張枱俾meun我地睇。個職員出到黎一副唔想serve既態度同我地講坐出面要當外賣，每份加2蚊外賣盒錢，雖然我地覺得唔合理，但都話冇問題。之後職員唔知做咩發晒悔氣咁執枱同大力推櫈。搞掂好晒之後就話要嘟安心出行，枱都冇抹。我地就覺得奇怪，又要收外賣盒錢又當我地堂食？我地禮貌問一問點解咁安排，職員只答一句"老細規定" ，感覺非常趕客。d甜點係俾紙盒同膠羹，對於環保人士，呢間店就唔係一個選擇。😵至於食物方面，味道同普通甜品店大致一樣，不特別好食又未至於放不入口，價錢有調整空間。