駟馬拖車潮州飯店 (MOSTown新港城中心(4期)) (已結業)

我平時喜歡食潮州菜，多數去九龍城食。見呢間潮洲菜在馬鞍山開咗一排，裝修幾好，諗住都試吓，第一次試食，叫咗三樣嘢，點知就中伏。第一樣係椒鹽九肚魚，只係食到炸粉好厚，根本唔知食緊乜。第二樣係豆醬焗雞，個傳菜放低嘅時候猛話個窩好熱好熱，點知我哋食嘅時候發覺根本啲雞只係暖暖地，分明係凍嘢放入個熱窩一陣就上枱，毫無誠意。第三樣係方魚肉碎粥，淡而無味。總結今次嘅經驗，以後都唔會再嚟食。奉勸各位有興趣食潮州菜嘅朋友，九龍城任何一間都好食過佢。