Green Waffle Diner (形點) (已結業)

要等人，咁就搵個位hea，yoho mall平日下午真係唔多人，間間餐廳都有位坐唔使等，近近地就去左green waffle，呢度啲下午茶六十幾蚊，價錢唔貴，啲枱又幾濶，都係一個好hea點。點了班蘭窩夫伴鮮果，賣相幾靚。唔知係咪預左多人點呢款，件窩夫唔係即做凍左，之前食午餐係即點即做㗎喎。凍左味道就扣分啦，少少班蘭味，尚算鬆軟。伴碟的士多啤梨同青蘋果極酸，香蕉正常，雲呢拿雪糕好味。另外仲叫左小食併盤，有炸雞翼兩隻，蕃薯條同芝士火腿窩夫，呢個鹹窩夫就幾好，仲熱，夾芝士火腿都無乜失手㗎啦。餐飲點了咖啡，附上奶jar一個自行添加。杯啡……都幾難飲，好似煲左好耐個啲酸味咁，點解㗎，之前食lunch個陣好飲㗎。食物水準下滑，但環境係好坐嘅，黎hea下無妨。