請坐 (已搬遷) 新店位置

平日lunch hour時段朋友話想試 請坐，話好似好好食，就一齊去食下！鋪頭細細一去到都要排隊，然後見到門口標住用餐時間30分鐘😨下，咁趕？不過一場黎到唯有照試。等緊既時候已經可以先點菜，等左20至30分鐘就到我地，不過3人坐2人枱坐位有d迫。坐低無耐就有得食，點左滷肉飯(細)，紅燒牛肉麵同肉鬆蛋餅，凍珍珠奶茶。個滷肉飯既滷肉選得不錯，有肥有瘦，分佈都平均👍🏻不過係普通滷汁味唔係台灣古早味。有少量菜甫點綴😋睇落細碗但都幾飽。朋友話紅燒牛肉麵ok。我覺得個湯都唔錯。個蛋餅就普通。好普通既肉鬆，蛋味欠奉。至於個珍珠奶茶我覺得有驚喜！應該無用奶精，口感香滑。珍珠口感不錯，亦不會太甜。雖然佢唔係準30分鐘叫我走，但到40分鐘都真係必趕！杯嘢飲都未飲完唯有外賣杯帶走加1蚊。個人中意慢慢食，今餐有d趕，如果可以放寬用餐時間就好啦。