Food Combo (已結業)

Food Combo 晚市真係好多人，今晚夜d 8:30才去，就可以食第二輪翻枱，即刻有位。呢度嘅豬肋骨好出名，食肉獸最鍾意，間唔中就會掛住想來食。手工蘋果肉桂燒烤醬焗豬肋骨$168,最鍾意佢份量澎湃的薯條，仲要係粗薯條鋪滿整碟，保證食得夠飽，而且啲薯條炸得外脆內軟，真係好好味！主角原條豬肋骨，唔會焗得太淋，仍保留爽口感覺，但又不會太硬，非常好味！加上燒烤醬，夠香夠惹味！蘋果肉桂是這裏的特色，自家手工製，肉桂味香，蘋果微甜又爽口，配在豬肋骨一起吃，非常夾味。傳統芝士牛肉漢堡配薯條$98,依然係巨大份量的漢堡包，薯條超多，漢堡包皮都大大個，而且烘乾脆脆的，裏面又略帶軟綿口感；牛肉漢堡非常好味，又厚又多肉汁，牛肉味香濃，加上芝士絕配！有生菜、番茄、酸青瓜，增添清新感覺，整個漢堡吃完也不覺膩，而且好夠飽。食完肉，要飲杯特飲，這裏的鳳梨冰$32,非常好味，味道酸酸甜甜，夏天喝著更加清新，而且裏面真的有菠蘿果肉啊，是真果汁呢！Combo 水果茶$32, 以茶底配雜果，食完薯條和肉類，喝口水果茶清一清口腔，很舒暢！有雜錦果肉在水果茶裏，爽口清甜，配茶味淡淡清香，也是夏日清新之選。食物和飲品味道都不