影片
更多
2023-05-24
693 瀏覽
食評：1) 麵包一埋位staff就拎咗麵包俾我地（唔記得影相，可參考open rice入面嘅相~），麵包唔係熱嘅，而且偏硬身同乾，擦咗牛油會相當好食少少，入口滑D。1) 法式焗芝士洋蔥湯 $98有驚喜！湯面有一層焗咗嘅芝士，用匙羹”筆”起會拉絲，配搭煮到淋咗嘅洋蔥加埋浸滿湯汁嘅麵包粒，口感豐富。湯底亦非常濃郁，整體偏重口味。今次碗湯我地係兩個人share，如果一個人飲曬相信飲到一半會覺鹹。2) 烤焗薯皮 $78叫咗款前菜薯皮，整體都唔錯，薯仔切半，保留部分薯仔連皮焗，焗完嘅薯皮表面好香，內餡有芝士同煙肉碎，點酸忌廉/番茄醬食，比起普通薯條好食^^。個人覺得佢個番茄醬好好食！3) 龍蝦意式扁意粉 $188扁意粉硬度適中並裹滿龍蝦汁，非常入味，配搭磨茹提升口感。龍蝦肉唔係原隻切半上果種，係已剝好殼嘅細龍蝦肉，份量並唔多。4) 美國肉眼扒 $418原本想叫Prime Rib，但staff講賣曬，所以最後叫咗肉眼扒。塊牛扒完全唔值$418嘅價，先唔講擺盤似普通茶餐廳質素（其實以酒店餐廳黎講佢D食物擺盤都麻麻），塊扒都似一般茶餐廳質素，似平時出面食百幾蚊嘅牛扒。
1) 麵包
一埋位staff就拎咗麵包俾我地（唔記得影相，可參考open rice入面嘅相~），麵包唔係熱嘅，而且偏硬身同乾，擦咗牛油會相當好食少少，入口滑D。
1) 法式焗芝士洋蔥湯 $98
有驚喜！湯面有一層焗咗嘅芝士，用匙羹”筆”起會拉絲，配搭煮到淋咗嘅洋蔥加埋浸滿湯汁嘅麵包粒，口感豐富。湯底亦非常濃郁，整體偏重口味。今次碗湯我地係兩個人share，如果一個人飲曬相信飲到一半會覺鹹。
2) 烤焗薯皮 $78
叫咗款前菜薯皮，整體都唔錯，薯仔切半，保留部分薯仔連皮焗，焗完嘅薯皮表面好香，內餡有芝士同煙肉碎，點酸忌廉/番茄醬食，比起普通薯條好食^^。個人覺得佢個番茄醬好好食！
3) 龍蝦意式扁意粉 $188
扁意粉硬度適中並裹滿龍蝦汁，非常入味，配搭磨茹提升口感。龍蝦肉唔係原隻切半上果種，係已剝好殼嘅細龍蝦肉，份量並唔多。
4) 美國肉眼扒 $418
原本想叫Prime Rib，但staff講賣曬，所以最後叫咗肉眼扒。塊牛扒完全唔值$418嘅價，先唔講擺盤似普通茶餐廳質素（其實以酒店餐廳黎講佢D食物擺盤都麻麻），塊扒都似一般茶餐廳質素，似平時出面食百幾蚊嘅牛扒。牛扒偏薄身，都有牛味但唔算濃，叫咗5成熟，出黎有接近7成熟。塊牛扒筋位都多，所以食落會”痴牙”XD。至於D配菜就無咩特別，正常蔬菜味XD。薯條就係淋身粗身果款，食落唔會咁熱氣。
值得一提係，所有食物唔知點解都係唔熱唔凍嘅狀態，明明等上菜時間都耐，所以會expet佢係落單後先煮，唔係一早煮定，但上到枱又唔係熱辣辣…牛扒係唔熱唔凍嘅狀態下食，都幾影響口感。
5) Mocktail (Cucumber Iced Tea) $68
非常酸！成杯野嘅味道就係酸味加青瓜味，完全唔推薦。
服務質素：
間餐廳服務質素完全可以講係非常差…首先我地book咗位8:00pm，去到reception位有staff見我地係到等，望完就算，結果我地企咗陣覺唔對路就自己走入去自己搵staff講book咗位，然後先有人帶我地埋位。之後想點餐時亦係等咗好耐先有人幫我地落單。當日餐廳並未坐滿，目測有6-7位staff，人手感覺充足，未知係咪有D staff唔會幫手帶位/落單，但等咁耐又無人理…感覺真係唔太良好。同埋酒店餐廳正常會expect服務質素好D？起碼以前去過嘅酒店餐廳服務質素都唔錯。
張貼
