影片
更多
2018-05-02
170 瀏覽
同老死約左係荃灣行街，搵個地方食野可以坐耐啲girl talk吓，佢話同男友之前發掘左間坐得自在既café，野食都幾好味同價錢適中，提議去一街之隔既呢間店到食。Menu幾多選擇，揀左個雙雙對對二人餐($328)，有前菜、小食、主食、甜品同飲品，另外再點左個芝士薯條($48) & 黑椒蜜糖牛柳粒($52)。個二人餐前菜揀左八爪魚水果藜麥沙律:沙律好快黎到，份量夠晒大碟，配料十足。菜蔬有沙律菜、大洋蔥、車厘茄&杏仁片，水果有提子同桃，八爪魚塊都好大片&鮮甜，共有4-5塊，帶點嚼勁，完全唔腥反而好有鮮味多汁。沙律配上黑醋汁，mix埋一齊既口感特別滿足，口感爽口脆脆地既沙律菜，好清爽再帶點生果嘅微甜，成道沙律酸酸甜甜，令人愈食愈開胃。 主菜揀左車打芝士鮮蝦意大利粉 & 卡邦尼長通粉車打芝士鮮蝦意大利粉:賣相不俗，意大利粉麵條煮得碞碞好，帶點挺身，汁芝士味濃，芝士汁煮到緊緊纏住令條意粉都沾到汁，口感濃厚幼滑。配搭車厘茄，芝士汁帶有酸酸甜甜，唔會有濟膩感覺，屬light口味lady愛好。卡邦尼長通粉：呢個卡邦尼長通粉好味!!長通粉上面灑滿左芝士忌廉煙肉，卡邦尼醬炒得好好有水準，長通粉徹底滲入味卡邦
Menu幾多選擇，揀左個雙雙對對二人餐($328)，有前菜、小食、主食、甜品同飲品，另外再點左個芝士薯條($48) & 黑椒蜜糖牛柳粒
($52)。
個二人餐前菜揀左八爪魚水果藜麥沙律:沙律好快黎到，份量夠晒大碟，配料十足。菜蔬有沙律菜、大洋蔥、車厘茄&杏仁片，水果有提子同桃，八爪魚塊都好大片&鮮甜，共有4-5塊，帶點嚼勁，完全唔腥反而好有鮮味多汁。沙律配上黑醋汁，mix埋一齊既口感特別滿足，口感爽口脆脆地既沙律菜，好清爽再帶點生果嘅微甜，成道沙律酸酸甜甜，令人愈食愈開胃。
主菜揀左車打芝士鮮蝦意大利粉 & 卡邦尼長通粉
車打芝士鮮蝦意大利粉:賣相不俗，意大利粉麵條煮得碞碞好，帶點挺身，汁芝士味濃，芝士汁煮到緊緊纏住令條意粉都沾到汁，口感濃厚幼滑。配搭車厘茄，芝士汁帶有酸酸甜甜，唔會有濟膩感覺，屬light口味lady愛好。
卡邦尼長通粉：呢個卡邦尼長通粉好味!!長通粉上面灑滿左芝士忌廉煙肉，卡邦尼醬炒得好好有水準，長通粉徹底滲入味卡邦尼醬既濃味，每條長通粉都吸收左重忌廉既奶滑感，喜歡重口味人士必點之選
黑椒蜜糖牛柳粒($52):去左筋煎香至全熟，所以軟淋卻又帶點嚼勁，表面有塗上蜜汁煎，再灑些少，微辣帶甜，牛柳味再加蜜糖，味恰到好處，juicy幾惹味香口
芝士薯條($48)：薯條即炸脆卜卜，夠脆夠熱，薯條厚身，外面脆而中間綿密軟熟，配上熱溶左既車打芝士簡直係無敵，幾乎每條都沾滿濃味既溶邪惡到呢!!! 口感非常過癮，味道濃郁令我地無法抗拒，呢個係秒速清晒貨。
蜜糖雞翼:新鮮炸出來夠晒熱辛辣辣，基本上係元勝，有五件，烘烤到外層好脆，成隻中翼都係金黃色，外面脆卜卜，內裡肉嫩仲有肉汁，烘得剛剛好，無果種油瀝味或炸得乾澀如柴頭既質感，烤雞翼我鐘意，所以又係好快掃除完畢，正。
餐飲分別點左凍摩卡咖啡同夏天的尾巴，前者好多忌廉，咖啡味好濃，呢杯係我果位咖啡精朋友點的，佢好喜歡。我點既係後者，夏天的尾巴係果茶，甜中帶微酸，帶水果果香，酸酸甜甜味適中，好醒胃，夏天飲果茶，冰凍又夠爽。
個二人餐甜品跟每人一件芝士蛋糕。分別揀左芝士蛋糕同藍莓芝士蛋糕，cheese cake外面一件賣30幾蚊，呢度二人餐連餐送，幾抵，芝士味幾濃，每啖芝士都夠實，唔錯。
呢道坐得好舒服，店面雖不算很大，但裝潢好閒適，且行距有一定既空間感足夠，令人坐得好悠然，圍繞住店面既係一排排既小說，令我都不禁提升左不少既書卷氣。
原來可以係書架上扲小說睇，睇完碞心水可以$5蚊買走，好抵。仲有呢殊可以用唔要既舊書小說換咖啡劵，好有環保概念。
食物有水準而坐得舒適，好碞同朋友黎食野閒談傾計。食完野侍應唔會催迫客人走人，食客可以坐食度繼續悠閒傾計，或者去書架扲小說睇。埋單連加一，價錢都公道&抵食，一定會再同朋友黎食過。
張貼
