Ciao

營業中

休息中

石門依家食店林立，有好多隱世美食小店，我今日就去咗 Ciao 試下西餐，因為知道個主廚係做過酒店。今次order咗白酒忌廉青口配香草包、蜜糖單骨雞翼、鮮帶子配明太子汁意粉，飲品就有凍朱古力。白酒忌廉青口個汁好creamy加埋青口又多，對於鍾意食海鮮類嘅我就最喜歡，香草包點買d忌廉汁食又有另一番風味。蜜糖單骨雞翼食落好方便，而且雞翼好香脆，內裏雞肉嫩滑。鮮帶子配明太子汁意粉好值得推介，帶子夠鮮加埋明太子汁將個鮮味帶上另一層次，意粉軟硬度適中，好啱我食。