銳記茶餐廳 (已搬遷) 新店位置

話說同男友book左金鐘早場睇戲，所以早小小到灣仔食早餐。行到軒尼斯道轉入去只係得新釗記同銳記，是但擇左間直覺多早餐款既銳記。當時九點左右，入面人數吾多，我諗除左我地甘傻走黎睇早場，其他人應該趕返工。男友擇左沙牛公，我叫正路既港式西早餐，煎蛋、腸仔加牛油方包。外貌一睇真係好普通，一睇就慶幸油都幾少，幾健康甘。食落就知俾錢買健康既道理即刻湧現腦海，所以冇怨言喇。蛋水準吾平均，因為一隻半熟、一隻全熟，方包軟冧冧，冇牛油味，火腿正常，但吾香。正當我將視線轉向碗沙牛公塊牛之際，男友就截住吾俾食，話吾好試，但佢食哂…