魂燒 (已易手) 新餐廳

舖仔細，有樓上但條樓梯太窄太危險，仆親都唔知點算，上到去坐低張摺凳好似設計有問題咁，挨都唔敢挨，坐得唔舒服就寄望食物好啲啦！但見到隔離枱成碗鰻魚飯冇咩食過就走，為免中伏，叫小小野食下先，點知真係中哂招。雞肉大葱串(雞肉細粒似雞軟骨加上生葱好辣)，雞翼串(只有椒鹽粉味)，牛舌串(四小粒)，牛柳串(點會落孜然粉架)，玉子燒(細份到佢吖)，野菜拉麵(冇咩菜而且麵質好淋)，一個字“渣”。六樣野，加埋一要$295，大家可以睇睇我呢三張相，感受一下。兩條友要再去第度食呀。