影片
更多
2019-04-27
319 瀏覽
收工之後同朋友嚟到美麗華一期嘅 葡匯咪走雞葡國餐廳～七點前嚟到，見到餐廳啲空枱上面已經放滿曬預約嘅牌仔，我哋坐低研究左menu 一陣，已經見到一批批客人陸續進場。因為我哋三個人都好肚餓所以我哋都叫咗唔少嘢食。首先叫咗個里斯本沙律，沙律睇落同食落新鮮都唔再講，特別欣賞廚師在用料同配色上亦都下了工夫，好難得會喺沙律上面見到風乾火腿、杏脯乾、無花果乾同洋蔥，colourful之餘， 口感食落非常之豐富，一碟沙律有齊唔同嘅營養，很開胃同埋健康，呢個沙律已經為我哋美好嘅一餐打響咗頭炮。葡式洋蔥胡椒蝦， 胡椒味非常之濃郁，但係又唔會過火，唔會太過刺激。重點係每隻蝦都非常大隻， 每一隻蝦仲粗過我隻手指，蝦肉夠彈牙，唔會有雪藏蝦嗰種林嘅感覺！ 而蝦下面係堆滿一大堆切絲嘅洋蔥，洋蔥煮到透明，滲滿胡椒味，淨食洋蔥好夠惹味！另外，個人好欣賞廚師的細心，在每隻蝦上面也適當處理過，令討厭在餐廳用刀叉切蝦食既人（即係我）都可以好方便且優雅地將蝦殼同肉分離！即刻食多幾隻啊！！白砵酒燴雞加麵包，非常大盤同足料，兩大塊雞煮得非常入味，醬汁非常濃郁不油膩，配麵包一流！1/4隻乳豬，不得了！！乳豬外皮燒得非常香脆，放入口咬
因為我哋三個人都好肚餓所以我哋都叫咗唔少嘢食。
首先叫咗個里斯本沙律，沙律睇落同食落新鮮都唔再講，特別欣賞廚師在用料同配色上亦都下了工夫，好難得會喺沙律上面見到風乾火腿、杏脯乾、無花果乾同洋蔥，colourful之餘， 口感食落非常之豐富，一碟沙律有齊唔同嘅營養，很開胃同埋健康，呢個沙律已經為我哋美好嘅一餐打響咗頭炮。
葡式洋蔥胡椒蝦， 胡椒味非常之濃郁，但係又唔會過火，唔會太過刺激。重點係每隻蝦都非常大隻， 每一隻蝦仲粗過我隻手指，蝦肉夠彈牙，唔會有雪藏蝦嗰種林嘅感覺！ 而蝦下面係堆滿一大堆切絲嘅洋蔥，洋蔥煮到透明，滲滿胡椒味，淨食洋蔥好夠惹味！另外，個人好欣賞廚師的細心，在每隻蝦上面也適當處理過，令討厭在餐廳用刀叉切蝦食既人（即係我）都可以好方便且優雅地將蝦殼同肉分離！即刻食多幾隻啊！！
白砵酒燴雞加麵包，非常大盤同足料，兩大塊雞煮得非常入味，醬汁非常濃郁不油膩，配麵包一流！
1/4隻乳豬，不得了！！乳豬外皮燒得非常香脆，放入口咬，旁邊的朋友都清楚聽到那大大的香脆聲！乳豬肉嫩滑且充滿肉汁，肉仲有相當的厚度！至今仍讓人回味而不能自拔啊啊啊啊！
上面講嘅咁多款菜式我都非常之滿意，但係最最最令我喜出望外同、非常非常值得推介畀大家嘅就係呢個葡式西多士啦！我咁大個女都係第一次食咁好食嘅西多士炸！！明明係一個甜品但係一啲都唔會過甜同死甜， 佢嘅口感有啲類似沙翁嘅感覺，但係佢外層又畀沙翁硬少少，多點口感， 煙煙韌韌， 但係佢內層又比沙翁更加軟綿綿，有口感既同時又有啲似綿花糖嘅感覺，鬆鬆軟軟，對住呢個甜品我真係辭窮呀，只能說真係非常之好食！！同藍莓紅莓mix埋一齊黎食酸酸甜甜更令人欲罷不能！！
大食既我哋仲叫咗紅砵酒、白砵酒同埋咖啡雪糕，三款都好正，上桌時有乾冰放喺下面，侍應仲好細心咁幫你擺好曬位比我地影靚相。加水時乾冰迅速造成煙霧瀰漫既效果，非常之浪漫同夢幻！簡直係影相呃like一流之選！ 紅砵酒仲有果肉喺入面，我第一啖食落啲果肉到簡直係酒香四溢！咖啡雪糕咖啡味超濃郁， 仲有咖啡碎粒喺入面！因為我個人都幾鍾意飲咖啡所以我好欣賞呢個咖啡雪糕！
餐廳食物質素一流，環境又坐得好舒服，座位闊落，環境有又夠開揚，更加值得特別一讚嘅係侍應全部都好有禮貌，員工親切友善，反應又好快，好留心客人嘅需要同埋用餐嘅進度，令到客人喺每一碟餸菜之間都唔需要等太耐，但係又有足夠嘅時間同空間去同朋友傾偈 。
總之一整個用餐過程都係非常之舒服，氣氛好好，一流嘅餐廳係需要一流嘅食物同埋一流嘅員工！！
張貼
