我的意大利廚房 (已結業)

約了姨媽一家吃飯, 我準時7:30到達，但未人齊，侍應好醒目地自動送上D前菜(蕃茄洋蔥多士，一籃麵包) 比我食住等。可能係星期一晚的關係, 間餐廳唔係好多人，靜靜地傾計好唔錯。 大部份侍應生都係講英文的，我估係菲律賓人，不過個menu有中英對照，所以溝通絕對冇問題。我地叫左三文魚意大粉配檸檬忌廉汁、海鮮意大利飯、小食拚盤同意大利巴馬火腿蘑菇 Pizza 。個三文魚意大粉好好味，個忌廉汁creamy得來唔膩，老人家都話o岩食。海鮮意大利飯唔會太硬，有咬勁。我地仲叫左TIRAMISU同布丁, 唔會太甜，OK好味。整體來講食物質素、服務同環境都唔錯。