影片
更多
2019-06-23
85 瀏覽
本身住堅尼地城都好少食呢度嘅餐廳，咁啱有個朋友嚟，見呢間環境幾舒服就去試下，驚喜發現不但餐廳環境舒服，食物質素都好高質！Lunch menu選擇幾多，點左Set B & E， 一個就叫湯另一個叫沙律... 湯係粟米湯，裏邊有未完全打溶曬嘅粟米粒，飲嘅時候除咗creamy之外亦都有口感，沙律就係parma ham melon salad，一直都覺得parma ham配蜜瓜個味好夾，呢個都唔係外，食完好fresh好開胃！主菜係雞肉卷煙肉薯蓉，另一個係parma ham西班牙腸芝士意粉，兩個都好有特色 ，好好食！佢將煙肉捲住雞肉，雞皮本身又煎得好香脆，雞味十足之餘裏邊亦有肉汁！配埋煙肉本身嘅鹹香，兩個味非常之夾，而薯蓉同埋配菜撈埋啲汁就更好食！ 至於個意粉雖然有parma ham，腸仔同埋芝士，三樣配菜都係屬於鹹食，但整體個味不但止冇好咸，反而帶出咗鹹香，又有唔同層次嘅鹹，味道又係好夾，食完呢兩個菜式覺得廚師嘅廚藝真係好高超，可以將食材咁樣處理而配合得咁好食！食完之後仲可以去附近嘅堅尼地城海濱長廊行下，真係過咗個好悠閒嘅星期六！
Lunch menu選擇幾多，點左Set B & E， 一個就叫湯另一個叫沙律... 湯係粟米湯，裏邊有未完全打溶曬嘅粟米粒，飲嘅時候除咗creamy之外亦都有口感，沙律就係parma ham melon salad，一直都覺得parma ham配蜜瓜個味好夾，呢個都唔係外，食完好fresh好開胃！
主菜係雞肉卷煙肉薯蓉，另一個係parma ham西班牙腸芝士意粉，兩個都好有特色 ，好好食！佢將煙肉捲住雞肉，雞皮本身又煎得好香脆，雞味十足之餘裏邊亦有肉汁！配埋煙肉本身嘅鹹香，兩個味非常之夾，而薯蓉同埋配菜撈埋啲汁就更好食！ 至於個意粉雖然有parma ham，腸仔同埋芝士，三樣配菜都係屬於鹹食，但整體個味不但止冇好咸，反而帶出咗鹹香，又有唔同層次嘅鹹，味道又係好夾，食完呢兩個菜式覺得廚師嘅廚藝真係好高超，可以將食材咁樣處理而配合得咁好食！食完之後仲可以去附近嘅堅尼地城海濱長廊行下，真係過咗個好悠閒嘅星期六！
張貼
