影片
更多
2021-11-08
126 瀏覽
💛#黃店依家尖沙咀隱世黃店真係好值得介紹，佢唔算好大間室內餐廳，反而係角落一間戶外小店看似毫不起眼會好容易經過，不過真係幾抵食而且係有質素，簡單嘅裝修有幾幅牆畫燈飾同埋bar枱，空間唔算大只有四五張高枱櫈供享用。以尖沙咀來講晏晝價錢都唔錯，夜晚嘅餐牌有啲唔同不過食物款式比較多，有小食雞翼pizza意粉等等，Happy Hour 3-8pm飲品真係好抵飲最平$48 mocktail/$72 cocktail 已經有交易！有多款moctail、cocktail、beer~.Crazy Hour 1300-1700👓芝士黑毛豬法包 $68大有驚喜！竹炭法包，但重點係法包超級香脆好香口，唔係硬實，而餡料係滿滿的黑毛豬肉片，似係日式燒汁所以帶香甜，然後再有一層用炙燒左嘅熔岩芝士，所以添加左一陣炙燒嘅香烤味更加惹味，個包亦非常大份相當飽肚，一個人食晒一定好飽好滯不過好滿足😂另外配有粗薯條，同樣好出色！炸得香脆，條條都好均勻附上味粉，所以少少香辣味好夠味。評分：9/10👓肉丸意粉配香草蕃茄汁 $68同樣亦好食😂意粉係煮得偏煙韌，幾鍾意依種有咬口嘅韌度！番茄醬底帶洋蔥灑上香草，味道好夠濃但唔會好鹹。肉
依家尖沙咀隱世黃店真係好值得介紹，佢唔算好大間室內餐廳，反而係角落一間戶外小店看似毫不起眼會好容易經過，不過真係幾抵食而且係有質素，簡單嘅裝修有幾幅牆畫燈飾同埋bar枱，空間唔算大只有四五張高枱櫈供享用。以尖沙咀來講晏晝價錢都唔錯，夜晚嘅餐牌有啲唔同不過食物款式比較多，有小食雞翼pizza意粉等等，Happy Hour 3-8pm飲品真係好抵飲最平$48 mocktail/$72 cocktail 已經有交易！有多款moctail、cocktail、beer~
.
Crazy Hour 1300-1700
👓芝士黑毛豬法包 $68大有驚喜！竹炭法包，但重點係法包超級香脆好香口，唔係硬實，而餡料係滿滿的黑毛豬肉片，似係日式燒汁所以帶香甜，然後再有一層用炙燒左嘅熔岩芝士，所以添加左一陣炙燒嘅香烤味更加惹味，個包亦非常大份相當飽肚，一個人食晒一定好飽好滯不過好滿足😂
另外配有粗薯條，同樣好出色！炸得香脆，條條都好均勻附上味粉，所以少少香辣味好夠味。
評分：9/10
👓肉丸意粉配香草蕃茄汁 $68同樣亦好食😂意粉係煮得偏煙韌，幾鍾意依種有咬口嘅韌度！番茄醬底帶洋蔥灑上香草，味道好夠濃但唔會好鹹。肉丸幾特別，有三大粒，質感唔似普通豬肉丸咁淋可能平時出面比較多肥豬肉，佢係比較實有少少魚肉質地嘅感覺，不過應該係有豬肉而冇牛肉，整體成個意粉係好食，但如果份量再多啲會好啲😂
評分：8/19
👓小食拼盤 $88Spring rolls春卷、Finger fish手指魚、Fried cheese balls炸芝士、Nachos with bolognese 粟米片配肉醬
繼續讚～超級豐富嘅拼盤，份量亦相當多，全部亦係炸物好邪惡，亦係新鮮熱辣辣炸起非常香脆，用來做佐酒小食簡直一流！
首先有四大舊炸魚，粉漿薄好香脆而入面厚魚肉又嫩滑，沾上沙律醬超正！然後有四大舊春卷，佢唔算嗰種炸得好乾身好硬脆，可能因為餡料係蘿蔔絲帶點水份，同事有少少似素食春卷，不過炸物好漏所以唔使食咁多肉餡都岩。然後有大約八粒嘅炸芝士，總之係好多粒，不過佢唔係芝士條嗰種拉絲芝士，反而似芝士醬所以都比較漏。然後底部有大量粟米片，香辣惹味可口，會不自覺食上癮，仲會附上一兜芝士醬，沾咩食都好夾味！本身粟米片應該配有肉醬，但師傅知我哋兩個小編都唔食牛所以就幫我哋走埋好細心🥰
評分：8/10
👓Green N Green- Special cocktail $125老實講真係好特別好好飲！入口係清新嘅感覺，似有少少青瓜嘅味道不過一啲都唔會苦澀奇怪，反而係好清爽，帶有少少青蘋果嘅酸甜味額外添上一份清新感覺，而且唔會好重酒精味，比較易入口同埋不自覺就飲晒。
評分：8.5/10
👓Peach Slush- Special cocktail $125
同樣比較易入口唔算好重酒精味，少少香甜嘅桃味不過唔算好甜。賣相亦好靚，串上一片桃又有塊葉裝飾。
評分：8/10
張貼
