和田日本料理 (已結業)

今天同朋友飯聚，在和田食放題，連加一每位二百圓。我覺得差不多，因為真係幾多野食，而且食物質素高，大部份食物都好好食，可能我地食頭輪，六點九到，八點半要交檯。係要少少趕，不過就因為唔爆場，所以唔會有太多漏單情況，服務都一般，唔算好好，但真係唔差，起碼叫人都算ok快有回應。食物方面真係要講下，好多野都好好食：牛仔骨，羊扒都好入味，唔算好大件，但夠熱又夠腍。燒粟米：粟米夠甜，而且是半件上，唔會太飽。燒菠蘿：重點推介，菠蘿超甜，好味！炸雞軟骨：炸粉厚度適中，夠脆但唔會太乾。天婦羅炸物：以炸蝦最為出色，熱辣辣，卜卜脆，feel到蝦都幾新鮮。串燒海老：另一蝦推介，燒蝦屬中型size，唔算好大隻，但燒得剛剛好，唔會好乾好鞋。 仲有芝麻/綠茶/紅豆雪糕可選，飲品任飲。其他食物質素以放題計屬中上，三個人食到捧住肚皮，盡興而歸！