新新酒家

營業中

休息中

唔止黎過一次呢間新新酒家，今年轉左係銅鑼灣返工，食晏就飯除左要早Ｄ之外，想找個靜少少又唔會比人催住走嘅地方食飯都幾難。我諗大大話話都有十幾次，同埋同事一齊嚟食晏，都幾鐘意黎呢度，好多時人多慶祝生日、聚會都會考慮呢度，最主要係近公司同易有大枱坐，唔迫又唔趕，靜靜地可以同同事朋友傾下計輕鬆下，同埋價錢都算收得合適，相比其他茶餐廳，係銅鑼灣閒閒地收七八十蚊一個餐，呢度算係咁。今天同同事慶祝生日，梗係選擇新新喇。叫左多款點心之外，當然唔少得有抵食夾大件嘅孖寶優惠，有飯又有小炒。講返味道，咁多款點心和炒飯水準都唔錯，燒賣同蝦餃真係幾好味，傳統做法，燒賣有肉粒唔係淨係得蝦肉，炒飯嘅材料十足又大碟，叫兩碟已夠哂十幾人食。唔止點心，仲有甜品都幾有水準，紅棗糕同薑汁糕都好好味，奶皇流沙包係必叫。埋單計番大約每人都係唔洗60蚊，仲係食到好飽。