影片
更多
2016-10-16
2840 瀏覽
平時OPENRICE都係得個睇字, 今次真係有D不吐不快!見咁多好評，一早約左同男朋友慶祝生日。預左D侍應會快手快腳，估唔到佢地真係行得好快，講野又快。一黎上左籃面包，佢個“聽唔到唔知咩”醬都幾好味，可以另外叫黑醏，不過同個醬夾D。叫左六隻生蠔 (Gillardeau 買2送1), 食落去新鮮, 帶少許金屬味, 建議唔落佢個醬汁, 因為會蓋住生蠔味。不過好笑既係, 個侍應放低左六隻生蠔之後, 我地影完相諗住食啦, 佢拎住一盤3隻既行埋黎, 問都無問我地, 就拎起左我地盤6隻生蠔, 我出聲話 "我地都叫左6隻", 佢拎走左問一問人, 再放番低, 都幾有禮貌下!之後黎左兩個前菜, 帶子無咩鮮甜味, 得少少SAUCE味, 個SAUCE可以再好味D。之於個63度溫泉蛋雜菌, 算不過不失既~然後就上黑毛豬同牛柳。牛柳幾有牛味, 配埋佢個芥末, 幾好味。至於黑毛豬, 唔"鞋"口, 整得好嫩, 唔錯! 係有少少肥, 食食下都有D滯。食完, 叫埋杯咖啡, 佢上左個唔好食既曲奇。訂個陣話男朋友生日, 可以係個甜品寫男朋友個名, 就叫左個芒果CAKE加雪芭。個侍應點蠟燭放低左, 好開心咁許願吹蠟燭, 想食
見咁多好評，一早約左同男朋友慶祝生日。
預左D侍應會快手快腳，估唔到佢地真係行得好快，講野又快。
一黎上左籃面包，佢個“聽唔到唔知咩”醬都幾好味，可以另外叫黑醏，不過同個醬夾D。
叫左六隻生蠔 (Gillardeau 買2送1), 食落去新鮮, 帶少許金屬味, 建議唔落佢個醬汁, 因為會蓋住生蠔味。不過好笑既係, 個侍應放低左六隻生蠔之後, 我地影完相諗住食啦, 佢拎住一盤3隻既行埋黎, 問都無問我地, 就拎起左我地盤6隻生蠔, 我出聲話 "我地都叫左6隻", 佢拎走左問一問人, 再放番低, 都幾有禮貌下!
之後黎左兩個前菜, 帶子無咩鮮甜味, 得少少SAUCE味, 個SAUCE可以再好味D。之於個63度溫泉蛋雜菌, 算不過不失既~
然後就上黑毛豬同牛柳。牛柳幾有牛味, 配埋佢個芥末, 幾好味。
至於黑毛豬, 唔"鞋"口, 整得好嫩, 唔錯! 係有少少肥, 食食下都有D滯。
食完, 叫埋杯咖啡, 佢上左個唔好食既曲奇。
訂個陣話男朋友生日, 可以係個甜品寫男朋友個名, 就叫左個芒果CAKE加雪芭。個侍應點蠟燭放低左, 好開心咁許願吹蠟燭, 想食個陣, 個侍應走埋黎話 "唔好意思呀, 我掉轉左個甜品呀, 呢個先係你地嫁", 望一望個名, 先發覺個甜品寫左人地個名, 我地吹錯左人地個甜品, 我真係得啖笑同有D慶....!!!! 真係有冇搞錯..... 甜品幾普通下, 我見到佢個甜品, 應該係係K11個間連鎖甜品店訂番黎, 因為番屋企個陣見到佢送錯左個個甜品, 個間野有得賣。
最後埋單950蚊。如果唔加生蠔同埋食D中價位既餐(1XX-3XX) 係OK既。但如果要俾950蚊, 係個唔算寧靜, 又急促(佢唔係趕你走, 但佢地趕頭趕命咁), 又頻頻出錯, 服務麻麻既地方, 就要諗諗。
張貼
