影片
更多
2013-02-17
124 瀏覽
太古？太田？西灣河這間開業不久的茶餐廳，因為標誌似個古字，初時經過以為叫太古茶餐廳，原來係太田才對。這間餐廳門面比較光鮮，但裡面環境就好迫，客人都唔少。好在今日食 Tea 不須要排隊，否則都未必會入去。叫了一個下午茶餐，炸魚柳配天婦羅蝦沙律，連湯及飲品，加錢配餐包。三字頭的價錢，同區來講算貴，但以街坊茶餐廳的格局來講食物質素叫做有少少意外。先講餐包同白湯。個包來身無咩特別，但裡面塊牛油係半熔的狀態，估不到入口時有好香牛油味。不過牛油太少，想再試真少少都唔得。個白湯都 OK，唔太濃唔太稀。鍾意裡面的配料幾有口感，尤其係磨菇。主角係炸物同沙律。沙律做得中規中矩，尚算新鮮，可以接受。炸天婦羅蝦比較細隻，一見到顏色沉沉，就估到層粉唔香脆，好在咬落都唔硬。亮點係裡面的蝦肉，比預期彈牙，收貨。至於炸魚柳就比較多油，同天婦羅蝦一樣都係層粉做得差，而且好易散；但裡面魚柳都算滑，至少滑過大乜乜連鎖快餐。最後，我叫了一杯凍奶茶。只有淡茶味，無奶味，茶味本身又唔香 ... 初時以為自己飲緊一杯難飲的咖啡。唔得，扣分。整體滿意食物質素，但杯凍奶茶比左個唔好的印象我。餐廳侍應的服務不夠主動，收錢時仲要找錯錢 .
西灣河這間開業不久的茶餐廳，因為標誌似個古字，初時經過以為叫太古茶餐廳，原來係太田才對。
這間餐廳門面比較光鮮，但裡面環境就好迫，客人都唔少。好在今日食 Tea 不須要排隊，否則都未必會入去。叫了一個下午茶餐，炸魚柳配天婦羅蝦沙律，連湯及飲品，加錢配餐包。三字頭的價錢，同區來講算貴，但以街坊茶餐廳的格局來講食物質素叫做有少少意外。
先講餐包同白湯。個包來身無咩特別，但裡面塊牛油係半熔的狀態，估不到入口時有好香牛油味。不過牛油太少，想再試真少少都唔得。
個白湯都 OK，唔太濃唔太稀。鍾意裡面的配料幾有口感，尤其係磨菇。
主角係炸物同沙律。沙律做得中規中矩，尚算新鮮，可以接受。
炸天婦羅蝦比較細隻，一見到顏色沉沉，就估到層粉唔香脆，好在咬落都唔硬。亮點係裡面的蝦肉，比預期彈牙，收貨。至於炸魚柳就比較多油，同天婦羅蝦一樣都係層粉做得差，而且好易散；但裡面魚柳都算滑，至少滑過大乜乜連鎖快餐。
最後，我叫了一杯凍奶茶。只有淡茶味，無奶味，茶味本身又唔香 ... 初時以為自己飲緊一杯難飲的咖啡。唔得，扣分。
整體滿意食物質素，但杯凍奶茶比左個唔好的印象我。餐廳侍應的服務不夠主動，收錢時仲要找錯錢 ... 搞到又要扣分。
張貼
