影片
更多
2020-09-13
1160 瀏覽
Muji cafe真係第一次試😛雖然價錢唔平，但食物係有質素而且非常精緻，無論賣相同味道都好有日本feel🐥外賣menu~每人會俾個口罩袋好細心🥰👓梳乎厘奄列(2人份) $88份量都幾大個，好厚身但佢嘅質感始終同傳統 梳乎厘pancake唔同，冇咁強勁空氣感，密度亦冇咁梳，比較挺身，飽肚感會多啲，但佢仍然係好鬆軟同蛋糕質地完全唔同。有蛋味但唔算好濃郁，但面頭有層焦糖脆片增加了甜度和脆口好正👍🏻白色球係cream而不是雪糕，淡忌廉嘅味道有少少甜味撈埋奄列食一流味道好夾。分別亦有楓糖漿和朱古力醬，兩隻配搭都好好食，幾欣賞佢嘅朱古力醬唔係嗰種偏死甜味而係帶少少可可味甜度剛好。評分：9/10👓牛油雞肉雜菜咖喱飯 $98配自選冷盤1款，套餐包餐湯，可選白飯、十六榖飯或麵包▶️ 牛油雞肉雜菜咖喱飯雞份量好多不過肉質少鞋而唔係嫩滑雞柳，當中有薯仔青瓜紅蘿蔔，咖哩汁唔辣，不過唔算好香口惹味。評分：7/10▶️榖飯由16種穀物而成，真係要大讚非常非常好食❗️對榖飯印象係好多粒粒榖物好難入口，例如紅米，但muji依碗飯望落只係有啲淡淡紅色粒唔算好多同好醜樣，再加上係日本米的關係，飯粒圓潤飽滿帶黏口，即刻加左穀麥
外賣menu~
每人會俾個口罩袋好細心🥰
👓梳乎厘奄列(2人份) $88
份量都幾大個，好厚身但佢嘅質感始終同傳統 梳乎厘pancake唔同，冇咁強勁空氣感，密度亦冇咁梳，比較挺身，飽肚感會多啲，但佢仍然係好鬆軟同蛋糕質地完全唔同。有蛋味但唔算好濃郁，但面頭有層焦糖脆片增加了甜度和脆口好正👍🏻
白色球係cream而不是雪糕，淡忌廉嘅味道有少少甜味撈埋奄列食一流味道好夾。分別亦有楓糖漿和朱古力醬，兩隻配搭都好好食，幾欣賞佢嘅朱古力醬唔係嗰種偏死甜味而係帶少少可可味甜度剛好。
評分：9/10
👓牛油雞肉雜菜咖喱飯 $98配自選冷盤1款，套餐包餐湯，可選白飯、十六榖飯或麵包
▶️ 牛油雞肉雜菜咖喱飯
雞份量好多不過肉質少鞋而唔係嫩滑雞柳，當中有薯仔青瓜紅蘿蔔，咖哩汁唔辣，不過唔算好香口惹味。
評分：7/10
▶️榖飯由16種穀物而成，真係要大讚非常非常好食❗️對榖飯印象係好多粒粒榖物好難入口，例如紅米，但muji依碗飯望落只係有啲淡淡紅色粒唔算好多同好醜樣，再加上係日本米的關係，飯粒圓潤飽滿帶黏口，即刻加左穀麥飯粒仍滑口「咕」一聲就吞哂啖飯。
▶️麵豉湯有昆布豆腐粒，好多配料不是hea貨，味道反而冇平時飲到嘅咁鹹。
▶️北海道粟米厚燒玉子(冷盤）
質感似將一個佈滿粟米蒸好嘅蛋拎去雪凍，當然玉子非常厚身，唔會好硬食，明顯重蛋味但真係淨蛋味冇乜其他特別調味，從而食到玉子本身嘅蛋香味。
評分：7/10
👓三品料理套餐 $98自選冷盤2款及熱盤1款；套餐包餐湯，可選白飯、十六榖飯或麵包
▶️紫薯青蘋果沙律(冷盤）
紫薯蓉當中亦帶有紫薯粒增添口感，除咗蘋果粒仲有橙紅色嘅粟米粒好特別，沙律冇乜甜味反而比較清新同重紫薯香氣。
評分：8/10
▶️三文魚牛油果沙律(冷盤）
約四粒牛油果和三粒三文魚，撈上千島醬和少許火箭菜，三文魚好嫩滑似啱啱好熟透。
評分：7/10
▶️黑醋醬豚肉(熱盤）
有三條，雖然每條都係中等size但食量大嘅人士呢個餐應該唔夠飽。豚肉爽口好重黑醋味所以偏酸。
評分：7/10
張貼
