影片
更多
2021-12-01
774 瀏覽
對上一次去唐宮小聚中環店，差不多都有兩年多，當時已覺得餐廳裝潢精緻，食物賣相靚，質素又唔錯，已經留下好印象，今日同朋友喺屯赤睇完日落，跟住出荃灣晚飯，打開 OpenRice 又見到「唐宮小聚」荃灣店，所以想也不用多想就開車前往🚗呢度嘅白玉王鴿基乎每台客都會叫，乳鴿即叫即炸，皮脆肉嫩又多汁，兼且做緊特價$39一隻非常抵食🤫黑松露雞可以算係一個幾好食嘅前菜，一般呢類冷盤都係用鹽焗、砂姜或者麻醬黎撈，但今次食到用黑松露醬油黎做，都算幾特別幾好味😋醉沙白蚌又係另一個幾特別嘅前菜，沙白應該係用花雕高湯浸熟，所以每一隻沙巴肉食落口嘅時候，都會滲出好香濃嘅花雕酒味，沙白本身又好清甜，非常驚喜👍黃金冰茄其實就係用鹹蛋黃做嘅茄子，同一般嘅黃金蝦嘅做法一樣，先用粉漿炸好茄子，然後用牛油炒香鹹蛋黃後，撈埋剛才炸好嘅茄子落去就得，味道係可以嘅，不過我個人覺得茄子食落去太多油，可能因為茄子本身較為吸油吧😂食飯當日啱啱係餐廳嘅會員感謝祭期間，所以可以用特價$128(原價$198)食大閘蟹炒年糕，有咁好優惠即時點一個黎試，呢個主菜真係抵食到不得了，一盤炒年糕上邊有兩隻目測大約4至4兩半嘅大閘蟹，每一件年糕都俾好香嘅
呢度嘅白玉王鴿基乎每台客都會叫，乳鴿即叫即炸，皮脆肉嫩又多汁，兼且做緊特價$39一隻非常抵食🤫
白玉王鴿
$39
852 瀏覽
0 讚好
0 留言
黑松露雞可以算係一個幾好食嘅前菜，一般呢類冷盤都係用鹽焗、砂姜或者麻醬黎撈，但今次食到用黑松露醬油黎做，都算幾特別幾好味😋
黑松露雞
$79
17 瀏覽
0 讚好
0 留言
醉沙白蚌又係另一個幾特別嘅前菜，沙白應該係用花雕高湯浸熟，所以每一隻沙巴肉食落口嘅時候，都會滲出好香濃嘅花雕酒味，沙白本身又好清甜，非常驚喜👍
醉沙白蚌
$79
28 瀏覽
0 讚好
0 留言
黃金冰茄其實就係用鹹蛋黃做嘅茄子，同一般嘅黃金蝦嘅做法一樣，先用粉漿炸好茄子，然後用牛油炒香鹹蛋黃後，撈埋剛才炸好嘅茄子落去就得，味道係可以嘅，不過我個人覺得茄子食落去太多油，可能因為茄子本身較為吸油吧😂
黃金冰茄
$89
18 瀏覽
0 讚好
0 留言
食飯當日啱啱係餐廳嘅會員感謝祭期間，所以可以用特價$128(原價$198)食大閘蟹炒年糕，有咁好優惠即時點一個黎試，呢個主菜真係抵食到不得了，一盤炒年糕上邊有兩隻目測大約4至4兩半嘅大閘蟹，每一件年糕都俾好香嘅大閘蟹味醬汁封住，大閘蟹有多膏好肉，用$128價錢就可以享用到，真係超值👍👍😋
大閘蟹炒年糕
$198
19 瀏覽
0 讚好
0 留言
麻滑石班又係一個今餐好鍾意嘅菜式，我本人幾鍾意食麻辣，所以呢一個做法已經俾我一個好感。整條魚已經起骨，所有魚肉已經起片拉油做好，頭尾保留放番喺碟上邊，然後魚片放回中間砌返條魚形狀出嚟，至於上面就鋪滿一層用青花椒、紅花椒、薑粒、蒜蓉、紅辣椒粒及蔥粒炒香嘅麻辣配料，所以整個餸非常野味，真係好食到不得了🤪
麻滑石班
$199
25 瀏覽
0 讚好
0 留言
因為我哋有六個人，最後叫多一個臘鴨髀煲仔飯做結尾，出邊大排檔食個煲仔飯閑閑哋都要八九十蚊，而呢度話晒都係一間裝修雅致嘅餐廳，一個臘鴨髀煲仔飯竟然都係賣$89 ，呢個定價真係相當克制兼且性價比高，原隻臘鴨髀相當有油香鴨味，肉質軟軟，啲飯都煲到一粒粒，夾雜埋芋頭粒及臘腸粒，相當好食，高質😃
芋頭川腸鴨髀煲仔飯
$89
16 瀏覽
0 讚好
0 留言
最後我哋都叫多兩個甜品試吓，一個榴槤雪兔，令一個係綠豆果子。因為榴槤雪兔樣子可愛，加上我好鍾意食榴槤，所以特別點黎食，可惜第一口咬落去嘅時候，不怕冇平時好香濃嘅榴槤味，反而食到有少少酸味，我問職員呢一個點心餡料食落去係咪會帶少少酸味，佢話可能同榴槤批次不同有關，跟住又話曾經有其他客人都試過反映呢個情況，但係作為一個甜品，我從未試過食榴槤甜品會有酸味出現，所以最後我決定唔食落去，咁職員都主動同我哋取消呢一個甜品😥
榴槤雪兔
$48
16 瀏覽
0 讚好
0 留言
至於個綠豆果子，個皮應該係用抹茶製造，個餡料就係紅豆，食落去冇乜大驚喜，中規中矩喇！
綠豆果子
$39
14 瀏覽
0 讚好
0 留言
雖然個甜品有啲遜色，但係其他前菜主菜我個人都覺得非常滿意，再加上價錢亦都相當吸引，實在性價比高，可以再試👍
張貼
