菊一巷 (已結業)

同朋友讀完書之後都好少可以見面，見咁耐都冇見就約埋一齊揀咗一間啱feel嘅餐廳，可以兩個人靜靜地坐低傾吓計食吓好嘢！餐廳都好乾淨企理，算係好舒適嘅地方！叫嘢食叫咗好多，都唔係每一款食物都有影相，不過呢一個雞胸軟骨真係好好食，本身都已經好鍾意食雞軟骨，估唔到呢度整得咁香，而且粒粒都炸得啱啱好！用嚟送酒真係一流！其中一個好特別嘅係呢個日本粟米，呢個日本粟米就咁睇已經好靚，白雪雪嘅粟米，食落去係淡淡清香嘅粟米香！好特別！仲有一份手羽，呢個手羽都好好食，外皮燒金黃香脆，入面依然好多汁！