蠔站 (傲雲峰)

營業中

休息中

今次黎到傲雲峰外面有露天位置 ，但天氣太熱梗係入室內坐，最最最吸引我既當然係佢哋$10隻既愛爾蘭生蠔🦪，平野原來真係有好野， 食落入口好鮮甜，奶白色肉身，層次感豐富，肉質爽脆而有海水味，有榛果香甜味道。而且唔會有蠔殼碎，食完唔會肚仔痛，正常size 唔算太肥美😋 另外仲叫咗個限定蟹肉蒜蓉包🦀，粉量也不小，有六塊多士，但蟹肉份量不太夠，未食哂啲蒜蓉包已經點哂啲蟹肉醬，問侍應姨姨想refill少少也拒絕我們呢🥲，但整體都好香好脆口😋。 龍蝦汁虎蝦意粉🦞🦐上枱就聞到大蝦香味，虎蝦入口鮮甜又彈牙，意粉軟硬度適中亦掛滿龍蝦汁！ 白桃乳酸梳打🍑巨峰提子梳打🍇大大杯十分冰凉唔會好甜，好好飲！ 整體食物非常有水準，平日vip有折扣，但服務一般，訂了位相比與walk in客人的待遇還差，感覺不是太好。