天機棧扒房 (已結業)

今日和太太往旺角天機棧食晚餐, 我點了$188晚餐, 有香煎法國鵝肝, 巴黎汁田螺焗薯蓉、龍蝦海鮮濃湯、炭燒西班牙黑毛朱肉眼扒配蘋果蓉、凍lemon tea和法式焦糖燉蛋。香煎法國鵝肝煎得甘香有油花, 食落不感到油膩, 黑醋汁帶出鵝肝的美味,多士食落香脆, 沙律菜新鮮爽口配黑醋汁食落醒胃, 車厘茄甜度適中；巴黎汁田螺焗薯蓉田螺食落鮮甜, 巴黎汁食落開胃, 焗薯蓉食落好香滑, 口感一流；龍蝦海鮮濃湯熱辣辣, 飲落香濃, 龍蝦味鮮甜味美, 香草能帶出龍蝦海鮮濃湯的惹味, 龍蝦海鮮濃湯配上的餅乾香脆, 和龍蝦海鮮濃湯一起食層次豐富, 惹味非常；炭燒西班牙黑毛朱肉眼扒配蘋果蓉黑毛朱肉眼扒燒得剛剛好, 肉質美味有油花, 肉眼好腍, 入口即熔, 配上蘋果茸一起食, 味道清甜開胃, 配菜蕃茄鮮甜和薄脆脆卜卜,口感豐富的炭燒西班牙黑毛朱肉眼扒配蘋果蓉；凍lemon tea茶味香濃,lemon 甜度適中；最後法式焦糖燉蛋賣相吸引, 侍應說等10秒待燉蛋凝固後才食,焦糖燉蛋甜度道中, 燉蛋食落香滑。餐廳座位舒適, 食物美味, 份量十足而且價錢合理, 適合三五知己和情侶相聚好地方。